Unilibrary. Oliy ta'lim muassasalarining yagona elektron kutubxona axborot tizimi.

Чўл бўриси

Тил билган дил билади дейишади. Дарҳақиқат, Тошкент Давлат чет тиллар педагогика институтининг олмон филологияси факультети ўқиб юрган талабалик пайтларимиздаёқ дунё адабиёти, хусусан олмон адабиёти билан ошно бўлганмиз. Мехригиё устозларимиз тилга ва адабиётга дилга ҳавас, иштиёқ уйғотиб, бизни адабиётнинг сеҳрли оламига олиб кирган ва бунинг учун бир умрга миннатдормиз.

Қалбингизда қолгим келади

Сизни чин берилиб, ихлос билан севишга ундайди, кўнгли минг бир ямоқ, сирти бутун елкадошларимизга малҳам бўлишга чақиради, соф маънодаги яхши сўзнинг қули бўлишга чақиради. Бу шеърлар орасида баъзан тузи босимроқ жумлаларга дуч келсангиз, ажабланманг, муаллиф Оролбўйида яшайди.

Ёшлик баҳорининг бойчечаклари

Ёшлик — биргина шу сўз замирида олам-олам орзулар тўлқини, қуввату қудрат бахш этувчи чорлов, қанчалар гўзаллик ва нафосат, энг муҳими, оташ ичра гуллаб турган муҳаббат мавжуд. Муҳаббат ахлига эса дунё ҳамиша гўзал кўринади. Бахт деган сўзнинг беланчагини ҳеч ким севиб-севилганлардан аъло тебрата олмайди.

Чин муҳаббат қиссаси

Ёш қаламкаш Париза Ҳикматованинг қўлингиздаги китобида вафо-садоқат, меҳр-оқибат, поклик ва ҳалоллик каби эзгу ва умрбоқий инсоний туйғулар қаламга олинади. Китоб қахрамони оддий қишлок кизи Нурнинг тақдири сиз ҳурматли китобхонларни бефарқ қолдирмайди. Мағрур ва гўзал қиз Нурнинг катта мақсадларга интилиб яшаши, шу йўлда меҳнат қилиши кишиларни иродали бўлишга чорлайди. ҳамиша ғолиб эзгуликка даъват этади.

Мингтиллонинг кабоби

Сурхондарёлик адиб ва журналист Хўжамурод Тоштемировнинг ушбу сайланмасига «Ўтов», «Бобоёровнинг жияни» қиссалари, инсон қалб туйғуларини тараннум этган ҳикоялари, ҳажвиялари ва қатралари киритилган бўлиб, адиб ўз асарларида инсонийлик, меҳр-муҳаббат, эзгуликнингумрбоқийлигини ёрқин образларда акс этгириб, худбинлик, такаббурлик каби иллатларни енгил кулги билан фош этган. Ўйлаймизки, ушбу китобдан жой олган асарлар Сиз азиз ўқувчиларнинг кўнгил мулкингиздан муносиб жой олади.

Энг қадимги ҳикматлар

Ушбу китобда инсоният цивилизациясининг энг қадимги давлатларида милоддан аввалги даврларда яшаган халқлар ва мутафаккирларнинг ҳикматли сўзлари жамланган.

Koklam qissalari

Kamina Turkiston viloyatining Koriz deb atalmish do`ppidekkina qishlog`ida tug`ilib, u yerda ko`rganlarim, bilganlarim, hayotdan tuyganlarim hanuzgacha esimdan chiqmaydi, bir xayolga cho`msam o`sha davr voqealari xuddi kino lentasidek ko`z oldimdan bir-bir o`taveradi.

Charxpalak

Agranom yigitning suvga cho'kib o'lgan haqidagi ma'lumotni boshliq ajablandi. Suvga yaqinlashishga qo'rqadigan suzishni bilmaydigan odam qanday qilib suvga cho'kib ketishi mumkin. Chindan ham baxtsiz hodisami yo....? Hech qanday zulm javobsiz qolmaydi. "Murdalar gapirmaydilar''qissasida ana shu hayot falsafasi haqida fikr yuritiladi.

Бедор тош

Мазкур тўплам ўзбек ўқувчиларини биринчн марта Зиедонис ижоди билан таништиради. Санъаткорнинг фалсафий изланишлари моҳияти, бу изланишларнинг мураккаблиги, ахлоқий муаммолар, муҳаббат ва Латвиянинг табиати ҳақидаги теран ўйлар ушбу мажмуанинг мундарижасини ташкил қилади.

Кеча ва кундуз

Романда нафақат рус империясининг, балки шу империя туфайли яшашда давом этган феодал тузумнинг ҳам инқироз ҳолатида эканлиги тасвир этилган. Раззоқ сўфики ёлғиз қизини бахти қаро қилиш ҳисобига кўзини очган ва сиғингани эшон бобога қарши қўл кўтарган экан, демак, бу чириган ҳаёт тарзини, ижтимоий тузумни таг-томири билан ўзгартириш лозим. Ана шу фикр-ғоя асарда тасвирланган даҳшатли воқеалар сил-силаси оша ёрқин юлдуз ўлароқ нур сочиб туради.

Ошиқлар Ҳақ ишқинда

Ушбу "Ошиқлар Ҳақ ишқинда" китобидаги шеърлар ҳазрат Махтумқулининг 1983 йилда "Туркманистон" нашриётида чоп этилган икки жилдлик ҳамда 1994-1996 йилларда нашр этилган уч жилдлик сайланма асарларидан танлаб олинди. Китоб, шубҳасиз, дунё ва охират моҳиятини англашда инсонга мададкор, маънавий озиқ, руҳга қувват, иймонга далда бўлгайдир.

Янгиланиш соғинчи

Китобдан Чўлпон, Қодирий, Фитрат, Вадуд Маҳмуд ва бошқа ижодкорларга оид мақолалар ўрин олган.

Бегона

Дадахон Нурийнинг илк асари — «Оқшом қўшиқлари, лирик қиссасини китобхонлар илиқ кутиб олган эди. Унинг Бегона« деб аталган иккинчи қиссаси Абдулла Қаҳхордай талабчан адиб диққатини ўзига тортган, унинг тавсияси билан «Шарқ юлдузи » журналида эълон қилинган, сўнгра алоҳида китоб бўлиб босилиб чиқкан.

Чўл тўрғайи

«Чўл тўрғайи» тўплами қорақалпоқнинг забардаст шоири Ибройим Юсуповнинг юраги яратган тиниқ, тўлқинли, замзамали чашма. Ундан баҳраманд бўлиш— гўзаллик, шеърият, юксак туйғулар бахш этадиган шодликка бўлган ташналикни қондиришдир.

Жадид мунаққиди Вадуд Маҳмуд

Мазкур китобда Вадуд Маҳмуд ижоди мисолида 20-йиллар адабий танқидчилиги тарихига назар ташланган.

Набираларимга мактублар

Ушбу китоб бобо ва набиранинг ширин суҳбатлари асосида қурилган. Бола тарбиясидаги нозик жиҳатлар маҳорат билан очиб берилган.