Unilibrary. Oliy ta'lim muassasalarining yagona elektron kutubxona axborot tizimi.

Ta'limda axborot texnologiyalari

Ushbu darslik bakalavriatning "Jismoniy madaniyat", "Tasviriy san'at va muhandislik grafikasi", "Chaqiriqqacha harbiy ta'lim", "Musiqa", "Maktabgacha ta'lim", "Pedagogika-psixologiya", "Boshlang'ich ta'lim" yo'nalishlarining "Ta'limda axborot texnologiyalari" fani dasturiga mos yozilgan bo'lib, bunda zamonaviy axborot texnologiyalari asoslari, zamonaviy shaxsiy kompyuterlar va ularning atrof qurilmalari, sistemali dasturiy ta'minoti, amaliy dasturiy vositalar, zamonaviy kommunikatsion texnologiyalar, dasturlash, Microsoft Officening dasturiy vositalari haqidagi mavzular yoritilgan.

Tayyor dori turlari texnologiyasi

Darslikda korxona sharoitida dorilar tayyorlashning zamonaviy usullari, shuningdek, GMP standartlari asosida dorilarni ishlab chiqarish jarayonlari, ularni takomillashtirishga oid amaliy masalalar batafsil bayon etilgan.

Tasviriy san'at o'qitish metodikasi

Mazkur darslikda tasviriy san'at o'qitish metodikasi fanining maqsad va vazifalari, boshlang'ich sinflarda tasviriy san'at ta'lim mazmuni va uni o'qitish metodikasi, boshlang'ich tasviriy san'at asoslari, natyurmort, rangshunoslik, badiiy bezak grafikasi, haykaltaroshlik, tasvirlarning metodik asoslari kabi masalalar o'z aksini topgan. Shuningdek, umumiy o'rta ta'lim maktabining tasviriy san'at dasturini o'rganish va uni rejalashtirish, har bir mashg'ulot turlariga dars bayonini va ishlanmasini tayyorlash hamda ularning har biriga ko'rgazmali qurollar tayyorlash, namunaviy darslarni tashkil etish va o'tkazish, keyim ularni tahlil qilish, pedagogik tasvirlar ishlash uslublari, tasviriy san'at asarlarini badiiy tahlil qilish haqida metodik tavsiyalar bayon etilgan.

Tarixiy geografiya

Darslikda tarixiy geografiya va tarixiy kartografiya fanlarining shakllanishi va taraqqiyoti masalalari, shuningdek, O‘rta Osiyoning qadimgi davrdan hozirgi kunga qadar bo‘lgan tarixiy geografiyasi mavjud tarixiy, geografik manbalar va ilmiy adabiyotlar doirasida yoritilgan.

TABIIY FANLAR KONSEPSIYASI

Ushbu darslik oliy o‘quv yurtlarining ijtimoiy gumanitar, huquq, islomshunoslik, madaniyat, iqtisod va buxgalteriya fakultetlari talabalari uchun mo‘ljallangan. Unda tabiatshunoslik fanining kelib chiqishi, kelib chiqish markazlari, antik davr olimlari, Markaziy Osiyolik allomalarning tabiiy fanlarni rivojlantirishga qo‘shgan hissalari bayon etilgan. Darslikda shuningdek, tabiatshunoslik fanining hozirgi davrdagi muammolari, yerda xayotning paydo bo‘lishi, xozirgi zamon antropologiyasi, koinot va yer haqida, tabiatshunoslikning fizikaviy konsepsiyasi kibernetika va sinergetika, hozirgi zamon biologiyasi, genetika, odam genetikasi, hujayra, o‘simliklarning kelib chiqish markazlari, fotosintez, biosfera, noosfera haqidagi ta’limot, iqlim va demografik jarayonlar to‘g‘risida ma’lumotlar berilgan.

Tabiiy bilimlar zamonaviy konsepsiyasi

Ushbu darslik tabiiy fanlarning zamonaviy konsepsiyalarini yoritib beradi. Unda tabiat qonuniyatlari, biologiya, fizika, kimyo, geologiya va ekologiya fanlarining integratsiyasi, inson faoliyatining tabiatga ta'siri, global ekologik muammolar, yer kurrasidagi demografik o'zgarishlar va energetika resurslari bilan bog'liq dolzarb masalalar atroflicha tahlil qilingan. Kitob bugungi kundagi ilmiy-texnik taraqqiyotning tabiat bilan o'zaro bog'liqligini va barqaror rivojlanish uchun zarur bo'lgan ilmiy asoslarni o'z ichiga oladi.

Suv xo‘jaligi qurilishini tashkil qilish, rejalashtirish va boshqarish

Ushbu darslikda suv xo‘jaligi qurilishini tashkil qilish, rejalashtirish va uni boshqarish bo‘yicha nazariy va amaliy asoslar bayon etilgan. Asarda suv xo‘jaligi sohasidagi qurilish obyektlari, ularni loyihalash va boshqaruv tizimlarini takomillashtirish masalalari yoritilgan. Shuningdek, respublikamizdagi suv xo‘jaligi obyektlarining o‘ziga xos xususiyatlari, qurilish ishlarini tashkil etishning optimal variantlari, irrigatsiya va melioratsiya tizimlarini rivojlantirish hamda suv resurslaridan samarali foydalanish strategiyalari keltirilgan. Kitob oliy o‘quv yurtlarining irrigatsiya va melioratsiya yo‘nalishidagi talabalari, gidrotexnika qurilishi mutaxassislari hamda soha rahbarlari uchun mo‘ljallangan bo‘lib, suv xo‘jaligini boshqarishda zamonaviy yondashuvlarni qo‘llashga xizmat qiladi.

STATISTIKA

Ushbu darslik statistika fanining nazariy va amaliy asoslarini qamrab olgan bo‘lib, ikki qismdan iborat: statistika nazariyasi va iqtisodiy statistika. Unda statistika predmeti va metodi, statistik kuzatish uslubiyati, o‘rtacha miqdorlar, variatsiya ko‘rsatkichlari, korrelyatsion va regression tahlil, dinamika qatorlari, iqtisodiy indekslar, milliy hisoblar tizimi, aholi va mehnat bozori statistikasi hamda makroiqtisodiy faoliyat natijalari batafsil yoritilgan. Darslik oliy o‘quv yurtlari talabalari va magistrlari uchun mo‘ljallangan bo‘lib, undan amaliyotchi mutaxassislar ham foydalanishlari mumkin.

STATISTIKA

Darslikda statistikani tarixi, rivojlanish bosqichlari, tashkil etilishi, predmeti va vazifalari, statistik kuzatish ma’lumotlariga ishlov berish metodlari, statistik ko‘rsatkichlar, o‘rtacha miqdorlar, variatsiya ko‘rsatkichlari, tanlab kuzatish, dinamika qatorlari, statistik indekslar, o‘zaro bog‘liqlanishlarni statistik o‘rganish, aholi statistikasi, mehnat bozori statistikasi, milliy boylik statistikasi, moliya bozori statistikasi, makroiqtisodiy ko‘rsatkichlarni hisoblash uslubiyati va ularning o‘zaro bog‘liqligi, moddiy ishlab chiqarish tarmoqlari va xizmat ko‘rsatish sohalarining statistik ko‘rsatkichlari, ishlab chiqarish xarajatlari va moliyaviy natijalar statistikasi, milliy hisoblar tizimi ko‘rsatkichlarini hisoblash va ularning iqtisodiy statistik tahlili metodologiyasi keng yoritilgan.

Sport tibbiyoti

Darslik sport tibbiyotini o‘rganishning yangi dasturiga mos holda tuzilgan bo‘lib, unda zamonaviy tibbiyotning yutuqlarini inobatga olgan holda sport tibbiyotining vazifalari va mazmuni, umumiy va mahalliy patologiyalarning sport tibbiyoti nuqtai nazardan asoslari, kishi tanasiga muntazam ravishdagi sog‘lomlashtiruvchi jismoniy tarbiya va sportning ta’siri, shifokor nazoratining uslubi, turli sport mutaxassisligi bo‘yicha vakillari ustidan o‘z vaqtida, joriy va bosqichli shifokor-pedagogik nazoratning asosiy tamoyillari, musobaqalarni tibbiy jihatdan ta’minlash hamda sportcha patologiya va o‘tkir holatlar, sportchilar tanasining yosh va jinsga ko‘ra faol imkoniyatlari, ularning chiniqqanlik darajasi kabi masalalar o‘z ifodasini topgan.

Sport pedagogik mahoratini oshirish: yengil atletika

Ushbu darslik O'zbekiston davlat jismoniy tarbiya instituti yengil atletika ixtisosligi talabalariga mo'ljallangan bo'lib, darslikda yengil atletika bo'yicha sport pedagogik mahoratini oshirishga, ya'ni mashg'ulotlarni rejalashtirish, yillik tayyorgarlikning bosqich va davrlarida yurish, yugurish, sakrash, uloqtirish, ko'pkurash turlarida mashg'ulotlarni olib borish, o'tkazish bo'yicha sportchilarni tayyorlash tizimini ochib bergan.

Sotsiologiya tarixi

Ushbu darslik sotsiologiya ta'lim yo'nalishi talabalari uchun mo'ljallangan bo'lib, sotsiologiya fanining tarixi, uning shakllanishi, rivojlanish bosqichlari, mumtoz sotsiologlar konsepsiyalari va sotsiologik maktablarni tizimli yoritib beradi. Kitobda Ogyust Kont, Gerbert Spenser, Emil Dyurkgeym, Maks Veber, Vilfredo Pareto, Pitirim Sorokin, Talkott Parsons va Robert Merton kabi yirik olimlarning qarashlari tahlil qilinib, har bir mavzu bo'yicha savol va topshiriqlar, asosiy tushunchalar keltirilgan.

Slovenčina pre cudzincov

Učebnica Slovenčina pre cudzincov je koncipovaná ako komplexný sprievodca slovenským jazykom pre zahraničných študentov a záujemcov, pričom využíva 15 tematicky zameraných lekcií na rozvoj komunikačných schopností v bežných situáciách. Obsah je spracovaný v malých, prehľadných krokoch s bohatými ilustráciami, tabuľkami a gramatickými vysvetleniami, ktoré sú zrozumiteľné aj pre nefilológov. Publikácia kladie dôraz na praktické využitie jazyka, zahŕňa monológové a dialógové texty, základnú gramatiku ako skloňovanie a časovanie, a je doplnená o audionahrávky, čo umožňuje efektívnu prácu samoukom pri osvojovaní si výslovnosti a slovnej zásoby.

Slovenčina pre cudzincov. 2. časť

2. časť učebnice Slovenčina pre cudzincov vznikla na základe skúseností pedagógov stredísk jazykovej a odbornej prípravy zahraničných študentov s výučbou slovenčiny ako cudzieho jazyka. Učebnica voľne, ale konzekventne nadväzuje na 1. časť učebnice. Texty sa zväčša opierajú o články a úryvky z novín, časopisov a kníh a podávajú sa v skrátenej a mierne adaptovanej forme. Sú formou a obsahom volené tak, aby umožnili rozličné formy práce a aby študent spoznal slovenčinu v čo najširšom zábere.

Siyosatshunoslik

Mazkur darslik O‘zbekiston Respublikasi oliy ta’lim muassasalarida siyosatshunoslik fanini o‘qitish uchun belgilangan davlat ta’lim standartlari va ishlab chiqilgan o‘quv dasturi asosida tayyorlangan. Unda zamonaviy siyosiy fanning eng muhim muammolari, uning o‘ziga xos jihatlari, asosiy kategoriya va paradigmalari tahlil qilinadi. Shuningdek, siyosatshunoslikning predmeti, mazmuni va vazifalari, ijtimoiy-siyosiy ta’limotlarning shakllanishi va rivojlanishi, Markaziy Osiyoda ijtimoiy-siyosiy fikrning asosiy bosqichlari atroflicha yoritiladi. Darslikda xorijiy va milliy manbalardan keng foydalangan holda jamiyat hayotida siyosatning roli va zamonaviy siyosiy tizimning o‘rni, siyosiy hokimiyat, fuqarolik jamiyati va huquqiy davlat konsepsiyalari, partiyaviy va saylov tizimlari, siyosiy yetakchilik, jamiyat siyosiy hayotining demokratik asoslari, siyosat, din va mafkura o‘rtasidagi o‘zaro aloqalar, xalqaro siyosat, siyosiy madaniyat, siyosiy nizolar, siyosiy modernizatsiya, geosiyosat va siyosiy globalizm masalalariga alohida e’tibor qaratilgan.

Siyosatshunoslik

Mazkur darslik davlat ta'lim standartlari talablariga muvofiq tayyorlangan bo'lib, unda Siyosatshunoslik fanining mavzui, tadqiqot usullari, qonun va kategoriyalari, siyosiy g'oyalar va ta'limotlarning vujudga kelishi va rivojlanish bosqichlari, jamiyat siyosiy tizimining ilmiy nazariyasi, davlat hokimiyati mexanizmi, siyosiy partiyalar, siyosiy madaniyat, siyosiy ong va mafkura masalalari yoritilgan. Shuningdek, darslikda davlat hokimiyati tashqi siyosati faoliyatining dolzarb muammolari, xalqaro tizim, xalqaro siyosat, xalqaro terrorizm, mintaqaviy mojarolar va xalqaro tashkilotlarning ahamiyati tahlil etilgan.