Unilibrary. Oliy ta'lim muassasalarining yagona elektron kutubxona axborot tizimi.

UMUMIY PEDAGOGIKA

Darslik pedagog kadr tayyorlashga qaratilgan ta’lim yo‘nalishlariga mo‘ljallangan, unda pedagogika fanining asoslari, maqsad, vazifalari, tadqiqot metodlari, didaktika va tarbiya nazariyasining umumiy mazmuni, ijtimoiy tarbiya turlari, O‘zbekiston Respublikasi uzluksiz ta’lim tizimi, pedagogika tarixi va pedagogik mahorat, ijtimoiy pedagogika va maktabshunoslik xususida so‘z yuritiladi.

Umumiy pedagogika nazariyasi va amaliyoti

Mazkur darslik pedagogika ta'lim sohasi bakalavriat ta'lim yo'nalishlari uchun mo'ljallangan bo'lib, u o'z ichiga pedagogikaning uchta - pedagogika nazariyasi, pedagogika tarixi va pedagogik mahorat kurslarini qamrab olgan. Darslik pedagogika sohasining bakalavriat ta'lim yo'nalishi DTS, o'quv reja va o'quv dasturlari asosida yozilgan.

Umumiy pedagogika (2-qism)

Mazkur darslik 60111800-Xorijiy til va adabiyoti ta’lim yo‘nalishi talabalari uchun yaratilgan bo‘lib, to‘rt moduldan iborat. Birinchi modulda pedagogik texnologiyaning ilmiy-nazariy asoslari va ta’lim innovatsiyalari tahlil qilingan. Ikkinchi modul shaxsga yo‘naltirilgan ta’lim texnologiyalari, muammoli ta’lim, interfaol metodlar va o‘yin texnologiyalariga bag‘ishlangan. Uchinchi modul kreativ fikrlash pedagogikasi, tanqidiy fikrlash, o‘quv-loyihaviy ta’lim va pedagogik muloqotga oid masalalarni qamrab olgan. To‘rtinchi modulda ilg‘or xorijiy tajribalar, xalqaro baholash dasturlari va XXI asr pedagogikasidagi ilmiy tadqiqot yo‘nalishlari yoritilgan. Darslik professor-o‘qituvchilar, doktorantlar va talabalar uchun mo‘ljallangan.

Umumiy pedagogika (2-qism)

Ushbu darslik 60111800-Xorijiy til va adabiyoti ta‘lim yo‘nalishi talabalari uchun mo‘ljallangan bo‘lib, to‘rt moduldan iborat. Birinchi modulda pedagogik texnologiyaning ilmiy-nazariy asoslari va ta‘lim innovatsiyalari tahlil qilinadi. Ikkinchi modulda shaxsga yo‘naltirilgan va rivojlantiruvchi ta‘lim texnologiyalari, interfaol metodlar hamda keys-texnologiyalar o‘rganiladi. Uchinchi modulda kreativ fikrlash pedagogikasi, tanqidiy fikrlash texnologiyalari, o‘quv-loyihaviy ta‘lim va pedagogik muloqot masalalari yoritilgan. To‘rtinchi modulda esa zamonaviy ta‘limdagi ilg‘or xorijiy tajribalar, xalqaro baholash dasturlari hamda XXI asr pedagogik konsepsiyalari bayon etilgan.

Umumiy pedagogika (1-qism)

Ushbu darslik pedagogikaning ilmiy asoslari, O‘zbekiston ta’lim tizimini boshqarish, ta’lim jarayonining mohiyati, ta’lim nazariyasining maqsad va vazifalari, ta’lim jarayonining tamoyillari va metodlari, ta’limni tashkil etish shakllari va baholash mezonlari, tarbiya jarayonining tamoyillari va metodlari, barkamol shaxsni tarbiyalashga doir yo‘llar va vositalar, pedagogik mahoratning tavsifi, o‘qituvchi faoliyatidagi o‘rni, pedagogik qobiliyati, pedagogik muloqot, nutq texnikasi va talabalarni pedagogik faoliyatini tashkil etishga ijodiy yondashish hamda pedagogik tajriba to‘plash, shuningdek, ta’lim texnologiyalari va rivojlanishiga oid tarixiy asoslarni qamrab oladi.

Umumiy KIMYO

Ushbu darslikda universitetlarning fakultetlarida o‘qitiladigan umumiy kimyo ya’ni noorganik, analitik, organik, va fizikaviy va kolloid kimyo fani bo‘yicha tushunchalar ochib berilgan bo‘lib, 5140100-Biologiya, 5141000-Agrokimyo va agrotuproqshunoslik, 5630100-Ekologiya va atrof muhit muhofazasi yo‘nalishlari uchun tavsiya etiladi.

UMUMIY ASTRONOMIYA

«Umumiy astronomiya» darsligi pedagogika universiteti va institutlarining «Fizika va astronomiya» ixtisosliklari uchun mo‘ljallangan kurs bo‘lib, u «Sferik astronomiya», «Osmon mexanikasi va nazariy astronomiya asoslari», «Astrofizika metodlari va kuzatish asboblari», «Quyosh sistemasi jismlarining fizik tabiati», «Yulduzlar», «Bizning Galaktikamiz tuzilishi va tarkibi», «Tashqi galaktikalar», «Kosmogoniya va kosmologiya elementlari» bo‘limlarini o'z ichiga olgan va talabalarga Koinotning tuzilishi, evolyutsiyasi hamda osmon jismlarining fizik tabiatlari haqida ilmiy tasavvurlarni shakllantirishni maqsad qiladi.

Turkiy xalqlar adabiyoti

Ushbu darslik turkiy xalqlarning (turkiya turki, o‘zbek, turkman, qozoq, qirg‘iz, tatar, iroq-turkman) adabiyoti, ularning ijodiy bosqichlari hamda taniqli adabiyot namoyondalarining hayoti va ijodini chuqur tahlil qiladi. Kitob turkiy xalqlar madaniyati va adabiyotini o‘rganish, o‘qitish va targ‘ib qilish maqsadida, professor Elman Quliyevning ko‘p yillik tadqiqotlari asosida yaratilgan va filologiya fakulteti talabalari hamda soha mutaxassislari uchun mo‘ljallangan.

Turizmni rejalashtirish

Ushbu darslikda turizm sohasini rejalashtirishning umumjahon hamjamiyati tomonidan tan olingan uslubiy va amaliy asoslari ochib berilgan, milliy iqtisodiyotni boshqarishning turli darajalarida turizmni rejalashtirishning tashkiliy mexanizmlari, shakllari va o'ziga xos xususiyatlari ko'rsatilgan. Shuningdek, darslikda turistlik mahsulotni ishlab chiqishni rejalashtirish tamoyillari, turizm korxonalarida strategik rejalashtirish va turizm industriyasida boshqaruvli rejalashtirishning turlari va usullari keltirilgan. Darslik o'quv yurtlarining iqtisodiyot, turizmda operatorlik xizmatini tashkillashtirish, turizm va mehmonxona xo'jaligi servisi, turizm menejmenti hamda turizm marketingi bakalavriat ta'lim yo'nalishlarida tahsil olayotgan talabalarga va magistr, aspirantlarga mo'ljallangan.

TOPOGRAFIK CHIZMACHILIK

Mazkur darslik O‘zbekiston Respublikasi Oliy va o‘rta maxsus ta’lim vazirligi tomonidan tasdiqlangan «Topografik chizmachilik» fani namunaviy dasturi asosida yozilgan bo‘lib, unda son belgili proyeksiyalar usulining nazariy asoslari, ya’ni nuqta, to‘g‘ri chiziq, tekislik va sirtlarni tasvirlash, tegishli pozitsion va metrik masalalarni yechish hamda ularni amaliyotga tatbiq qilish bayon etilgan. Shuningdek, topografik xaritalar tuzish uchun zarur bo‘lgan nazariy va amaliy ma’lumotlar, gorizontal proyeksiyalash usullari va inshootlar rejalarini chizish tartiblari yoritilgan. Darslik oliy o‘quv yurtlari talabalari, loyihalash instituti xodimlari va mutaxassislar uchun mo‘ljallangan.

Tizimli tahlil asoslari

Ushbu darslikda tizimli tahlil asoslari bayon etilgan. Tizimli yondashuv metodologiyasi, matematik modellashtirish asoslari, alternativ to'plamlardan tanlab olish masalalarini yechish uchun, optimallashtirish masalalarini dinamik dasturlash usuli yordamida yechish uchun misollar ko'rib chiqilgan. Bundan tashqari tizimli g'oyalarning yuzaga kelish tarixi ko'rib chiqiladi hamda tizimlar nazariyasining asosiy tushunchalari aniqlanadi va tizimli tahlilning mohiyati, uning texnologiyasi ko'rib chiqiladi. Ushbu darslikning maqsadi tizimli tahlil texnologiyalarining amaliy va nazariy asoslarini ifodalashga qaratilgan.

TILSHUNOSLIKKA KIRISH

Ushbu darslik oliy ta'lim muassasalarining filologiya fakultetlari talabalari uchun mo'ljallangan bo'lib, tilshunoslik fanining nazariy asoslari, tilning tuzilishi, uning jamiyat va tafakkur bilan bog'liqligi, shuningdek, mikrolingvistika va makrolingvistika sohalarining asosiy tushunchalarini qamrab oladi. Kitobda zamonaviy tilshunoslikdagi yondashuvlar, sotsiolingvistika va matn tilshunosligi masalalari yoritilgan bo'lib, talabalarning mustaqil ta'lim olishi va tilga oid ilmiy dunyoqarashini shakllantirishga xizmat qiladi.

Tilshunoslik nazariyasi

Mazkur darslik oliy o‘quv yurti filologiya yo‘nalishi talabalari uchun mo‘ljallangan bo‘lib, “Tilshunoslik nazariyasi” fanining asosiy masalalarini yoritishga qaratilgan. Darslikda tilning mohiyati, tilshunoslikning nazariy masalalari, tilning belgilar tizimi sifatidagi mazmuni, til va jamiyat, til va nutq, til va tafakkur munosabati, dunyo tillari tavsifi va tasnifi, tilshunoslik fani bo‘limlari, lingvistik tahlil metodlari haqida umumiy ma’lumot berish, til ilmi haqidagi bilim ko‘nikmalarini shakllantirish, tilshunoslikning asosiy tushunchalarini yoritish maqsadi qo‘yilgan. Darslik fanning zamonaviy yutuqlari va xorijiy manbalar asosida tayyorlangan bo‘lib, undan tilning ijtimoiy, fiziologik, psixik tabiatini hamda tilshunoslikka doir masalalarni tadqiq qiluvchi izlanuvchilar, magistrantlar va mustaqil tadqiqotchilar foydalanishi mumkin.

TEXNOLOGIK JARAYONLARNI LOYIHALASH

Darslikda paxta sanoati korxonalarining loyihalash asoslari, chigitli paxtani saqlash, quritish, tozalash, tolasi va momig'ini ajratish hamda tolali mahsulotlarni toylash bo‘limlarining ishlab chiqarish texnologiyasi variantlarini tanlashda kerakli hisoblash usullari, shuningdek, asosiy ishlab chiqarish sexlarining texnologik jarayonlarini tahlil qilish, texnologik uskunalarning ish unumdorligini hisoblash, zamonaviy texnologik jarayonlar va ilmiy izlanish ishlari yutuqlaridan foydalanish yo‘llari yoritilgan.

Texnologik jarayonlarni loyihalash asoslari

Ushbu darslik matbaachilik yo'nalishidagi bakalavrlar uchun mo'ljallangan bo'lib, unda turli matbaa mahsulotlarini ishlab chiqarishda, yangi korxonalarni loyihalash va amaldagi korxonalarni rekonstruksiya qilishda eng qulay texnologik jarayonlarni hamda uskunalarni tanlash, ularning samaradorligini hisoblash uslublari bo'yicha ma'lumotlar berilgan. Shuningdek, bosma nashrlarni tayyorlashning majmuaviy ishlab chiqarish jarayoni, bosma qolip tayyorlash, bosish va broshyuralash-muqovalash jarayonlarining texnologik va ishlab chiqarish aloqalari ko'rib chiqiladi.

TELEVIDENIYE ASOSLARI

Mazkur darslikda XX asr mo‘jizalaridan biri bo‘lgan televideniyening paydo bo‘lishi, uning jamiyat hayotidagi o‘rni, televideniye ko‘rsatuvlarini yaratishdagi ijodiy jarayonlar, teleko‘rsatuvlarni tashkil etish masalalari, teledasturlar janrlari kabi nazariy mavzular, shuningdek, O‘zbekiston televideniyesining taraqqiyot bosqichlari, badiiy televideniye tajribalari va muammolari, televideniyening jamiyat oldidagi vazifalari va boshqa mavzulari atroflicha yoritilgan.