Unilibrary. Oliy ta'lim muassasalarining yagona elektron kutubxona axborot tizimi.

Ижод сеҳри

Адабиётшунос Умарали Норматовнинг ушбу китоби янги ўзбек адабиётининг ўзига хос хусусиятлари, мураккаб тараққиёт йўллари, ёрқин сиймолари, нодир намуналари, шунингдек, адабий таълим, мутолаа масалалари ҳақидаги тадқиқот, эссе, адабий ўй, хотира, суҳбатлардан ташкил топган. Мунаққид адабий жараённинг долзарб муаммолари, бадиий ижоднинг сирли-сеҳрли жумбоқлари устида қизғин баҳс-мунозаралар олиб боради, янгича талқинларни тақдим этади. Табиийки, бу хил баҳс, талқинлар адабиёт ихлосмандларини бефарқ қолдирмайди.

Бузрукнинг кузи

"Ёлғизликнинг юз йили", "Ошкора қотиллик қиссаси" асарлари муаллифи, Нобель мукофоти совриндори Габриэл Гарсиа Маркес жаҳон адабиётида ўз сўзи ва ўзига хос услубига эга ижодкорлардан саналади. Ўз даврида Франц Кафка, Марсел Пруст, Уильям Фолкнер, Жеймс Жойс асарлари Маркес дунёқараши, бадиий тафаккури ривожига сезиларли таъсир кўрсатган ва мана шундай ички вулқонлар натижаси ўлароқ адиб номини оламга ёйган буюк асарлар дунёга келган. Ўқувчилар эътиборига навбатда ҳавола этилаётган "Бузрукнинг кузи" романи ҳам шу каби ҳайратлар мевасидир ва мазкур асар ўз даврида ёзувчига катта шон-шуҳрат келтирган. Маркеснинг ўзи бу ҳақда шундай дейди : "Бузрукнинг кузи" - мени тоабад унутилишдан сақлагувчи асардир". Асар мутолааси орқали зийрак китобхонларимизни Маркесча ҳайратлар оламига етаклаймиз.

Бу ажиб дунё

Атоқли шоир, ёзувчилар ҳаёти хам ажойиб вокеалар, унутилмас учрашувларга бой бўлиб, улар ҳақида эсланганда ёки хотиралар битилганда гўзал бир асардек севиб ўқилади. Ушбу китобдан ўрин олган Фитрат, Чўлпон, Ойбек, Ғафур Ғулом каби хассос адиблар ҳаёти билан боғлиқ ажабтовур ҳикоя, киносценарий ва пьесалар ўқувчини бефарқ қолдирмайди. Шунингдек, собиқ шўро даврида қатағонга учраган ўзбек зиёлиларининг оғир тақдирларидан хикоя қилинади. Муаллиф «Гули ва Навоий» драмасини ёдишда асрдан-асрга, наслдан-наслга ўтиб келаётган барча турк халқларидаги эртак мотивларидан фойдаланган. Бир неча маърифий-биографик романлари орқали танилган адабиётшунос олим Наим Каримовнинг бу янги асари ҳам китобхон томонидан катта қизиқиш билан кутиб олинади, деган умиддамиз.

Qasoskorning oltin boshi

Har bir xalq o‘ zi yaratgan ajoyib shaharlar va san’at obidalari bilan qanday faxrlansa, tarixda yorqin iz qoldirgan botir farzandlari bilan ham shunday iftixor qiladi. Zarafshon vodiysida tug‘ilib o‘sgan ikki tomonlama zulmdan behad ezilgan mehnatkashlarni afsonaviy bir dovyuraklik bilan himoya qilgan Namoz botir ham tariximizda o‘chmas iz qoldirgan nodir shaxslardan edi.

Begona

Taqdiriga qonli sayohat yozilib, vahshiydan-vahshiy, jirkaanchdan-jirkanch fojialarni boshidan kechirgan, ilk bor turkman tuprog'ida fransuz tovonining izini qoldirgan Jorj Blokvil yana Ardarband sahrosiga bir nazar tashlagisi kelib qoldi. U inson nazari yetmaydigan masofada yastanib yotgan Xuroson pasttekisliklari uzra kunbotarga tomon ot yugurtirishga shaylana boshladi...

Буни умр дерлар

Эътиборингизга ҳавола этилаётган китобни саҳифама-саҳифа, завқим тошиб, тўғриси, гоҳ ўйланиб, гоҳ кўзимга ёш олиб ўқир эканман, мухаййулот оламида дунёда мислсиз гўзал, ораста, файзиёб пойтатимиз, азиз Тошкентнинг энг таниқли, асл, иймон-эътиқодли хонадонларидан бири мавлоно Ислом Шоғуломов оиласи аста-секин гавдалана бошлади.

Мен нимага қодирман?

Қўлингиздаги мазкур китобни сизга мўжизадай бўлиб туюлган ноёб истеъдод эгаси, таниқли психолог, гипнозёр ва башоратчи Вольф Мессининг ўзи ҳақида ёзган. Ўзининг оширган телепатик тажрибалари, ўтказган ғаройиб сеанслари ва ҳамиша тўғри бўлиб чиққан башоратлари билан инсоният тарихида унутилмас из қолдирган.

Muborak kunlar

Qo'lingizdagi "Muborak kunlar" nomli she'riy guldastasiga shoirning turli yillarda yozilgan qo'shiqbop nazmiy asarlari jamlangan. Ulardan jumhuriyatimiz mustaqilligi ohanglari, ilohiy kuch- qudratga ishonch, vatan va xalqqa muhabbat, pokiza sevgi tuyg'ulari qo'yilgan. Kitob o'rta maktab, oliy va o'rta maxsus o'quv yurtlari adabiyot muallimlariga, o'quvchi va talabalarga, adabiyot va musiqa to'garaklari qatnashchilariga, keng kitobxonlar ommasiga mo'ljallangan.

Қалбим сирлари

Қўлингиздаги ушбу китобга муаллифнинг йиллар давомида юраги қаърида тўпланган самимий туйғулари жамланган. Китобни ўқиш жараёнида меҳр-муҳаббатга йўғрилган мисраларда кўнглингиз тубида асраган соҳир туйғулар билан биргаликда инсоннинг энг яхши олийжаноб фазилатлари ифода этилган ташбеҳларга дуч келасиз.

Маърифат ёғдулари

"Маърифат ёғдулари" деб номланган ушбу тўпламга Тошкент вилоятидаги академик лицей ва касб-ҳунар коллежларида ёшларга таълим бераётган ижодкор ўқитувчиларнинг ижод намуналари жамланган.

Хоразм фожиаси

Ушбу қисса классик шоир ва мусиқашунос олим, бутун дунёга Феруз тахаллуси билан ном чиқарган Хива хони Муҳаммад Раҳимхон II даврида бўлиб ўтган айрим воқеалардан баҳс этади.

Адолат Кўзгуси Танланган асарлар 5-жилд

Модомики бу сўз сарлавҳага чиқарилган экан гапнинг индаллосидан яьни мувашшаҳнинг ўзидан бошлаб қўя қолганимиз маьқул.

Қалбдаги шамлар

Мухлислари томонидан "тўртликлар қироли" деб муболаға этилган таниқли шоир Шукур Қурбон қўлингиздаги китобини бутун ижодидан сайлаб олди. Халқона ўй-мушоҳадаларга йўғирилган бу жажжи асарларда самимият бор бўйи билан барқ уриб туради.

Men yig'lagan kechalar

"Men yig'lagan kechalar" kitobimda adabiyotga kirib kelishim, hayotdagi yaxshi-yomon kunlarim, topganlarim-yo'qotganlarim, ko'rgan tushlarim to'g'risida fikr yuritmoqchiman. Asarlarimni yozish, voqealar,qahramonlarning harakatlari, taqdirlari, voqealar rivoji tushmda ayon bo'lgan... Tush insonni koinot va ruhlar bilan bog'lovchi vosita, muloqot, deb hisoblayman o'zimcha.

Танланган асарлар 4-жилд Киносценарий

Уфқларга туташ бўлиқ шудгор узра енгил ва қуюқ буғ кўтарилмоқда. Ўша туман орасидан хаёлий бир қиёфада оппоқ либосли нуроний бир мўйсафид бир қўлда китоб ва асо тутган холда чиқиб биз томон юриб кела бошлайди.

Афғон шамоли

Менинг пойи-қадамим тегиб турган бу юртнинг ўзига ҳос удумлари, урф-одатлари мавжудки, бу асрлар ошабугунги кунга қадар ҳам сақланиб, қадрланиб келинмоқда. Афғон хонадонларида ўқил бола туғилса катта байрамга айланиб кетади. "Яна бир жангчи кўпайди" дийишади.