Unilibrary. Oliy ta'lim muassasalarining yagona elektron kutubxona axborot tizimi.

ЭКОЛОГИЯ

Мазкур дарсликда экологик сиёсатнинг шаклланиши, экологик омиллар, тизимлар, популяциялар экологияси, биосфера ҳақида маълумотлар, саноатдаги экологик жараёнлар, атроф-муҳитни тозалаш усуллари ҳамда ифлосланиш даражалари батафсил ёритилган. Китобда иқлим ўзгариши, глобал исиш, экологик хавф ва унинг оқибатлари, шунингдек, Ўзбекистондаги экологик ҳолат, қўриқхоналар ва табиат боғлари ҳақидаги маълумотлар келтирилган. Дарслик олий ўқув юртлари талабалари, магистрлар ва соҳа мутахассислари учун мўлжалланган.

Экология ҳуқуқи

Дарсликда Экология ҳуқуқининг предмети ва тизими, манбалари, табиий ресурсларга нисбатан мулк ҳуқуқи, экология соҳасида бошқарув, экологик ҳуқуқий жавобгарлик, табиий ресурсларнинг ҳуқуқий ҳолати, ҳайвонот оламидан фойдаланиш ва уни муҳофаза қилишнинг ҳуқуқий ҳолати, атмосфера ҳавосини ҳуқуқий муҳофаза қилиш, табиий қўриқхоналарнинг ҳуқуқий ҳолати, қишлоқ хўжалиги, саноат, транспорт, энергетика тармоқларида атроф табиий муҳитни муҳофаза қилиш каби масалалар ёритилган.

ЭКОЛОГИЯ АСОСЛАРИ

Дарсликда экология асослари фани ривожининг қисқача тарихи, ўсимлик ва ҳайвонларнинг ўрни, экосистемалар тавсифи, популяция, биосфера, табиатни асраш, республикамиздаги экологик ҳолат, уни тартибга солиш, биологик жиҳатдан соф маҳсулот етиштириш, атроф муҳитга салбий таъсир этадиган омилларни бартараф этиш тадбирлари ҳамда республикамиз ҳудудида жойлашган қўриқхоналар ҳақида маълумотлар келтирилган бўлиб, университет ва педагогика олий ўқув юртларининг биология факультетлари талабалари учун мўлжалланган.

Чет эл адабиёти тарихи (Илк ўрта асрлар, уйғониш даври ва XVII аср ғарбий европа адабиёти)

Мазкур дарслик филология факультети талабалари учун мўлжалланган бўлиб, унда ўрта асрлар, Уйғониш даври ва XVII аср Ғарбий Европа адабиётининг ривожланиш тарихи, ижтимоий-сиёсий шароитлар, адабий оқимлар ҳамда йирик адибларнинг ижоди кенг ёритилган. Китобда адабиётнинг жамият тараққиётидаги ўрни, феодализм даври маданияти ва санъатнинг шаклланиши, шунингдек, қадимги дунёдан янги замонга ўтиш давридаги адабий жараёнлар таҳлил қилинади.

Чет эл адабиёти тарихи (Илк ўрта асрлар, Уйғониш даври ва XVII аср Ғарбий Европа адабиёти)

Мазкур дарслик педагогика институтларининг филология факультети талабалари учун мўлжалланган бўлиб, унда илк ўрта асрлар, Уйғониш даври ва XVII аср Ғарбий Европа адабиёти тарихининг асосий босқичлари, ижтимоий-тарихий шарт-шароитлари, бадиий хусусиятлари ҳамда адабиётнинг ривожланиш қонуниятлари илмий таҳлил этилган.

Чет эл адабиёти тарихи (XVIII-XX асрлар)

Ушбу дарслик XVIII-XX асрлардаги хорижий адабиёт тарихини, хусусан, Европа маърифатчилик даври адабиётининг шаклланиши ва ривожланишини ёритиб беради, бунда инглиз, француз ва немис маърифатпарварларининг ижоди ҳамда уларнинг антифеодал қарашлари, бадиий методлари ва ижтимоий-сиёсий контексти батафсил таҳлил қилинади.

Чет тил ўқитиш методикаси

Мазкур дарслик чет тилларни ўқитиш методикасининг назарий ва амалий асосларини қамраб олган бўлиб, олий ўқув юртлари талабалари учун мўлжалланган. Китобда тил ўқитиш жараёни, интерференция ва транспозиция ҳодисалари, ўқувчиларнинг тил тажрибаси, шунингдек, тинглаб тушуниш, гапириш, ўқиш ва ёзув кўникмаларини шакллантириш методикаси атрофлича ёритилган. Дарслик замонавий талабларга мос равишда тузилган бўлиб, бўлажак ўқитувчилар учун муҳим методик қўлланма ҳисобланади.

Чет мамлакатлар молияси

Дарсликда чет мамлакатлар молиясининг таркибий тузилиши, предмети ва вазифалари ўрганилган, дунё мамлакатларининг молиявий ҳолати, иқтисодий ривожланиш даражаси, молиянинг мамлакат тараққиётига таъсири, молиявий ислоҳотлар, жумладан, солиқ, бюджет, банк соҳасидаги таркибий қайта қуриш, давлат ва корхоналар молияси ўртасидаги муносабатларни ташкил этиш кенг ёритилган ҳамда замонавий молиявий муаммолар назарий талқин этилган, статистик маълумотлар жадвал ва чизмалар шаклида келтирилган.

Чет мамлакатлар давлати ва ҳуқуқи тарихи

Ушбу китоб чет мамлакатлар давлати ва ҳуқуқи тарихи курсининг мавзуи, услуби масалалари, қадимги давлатлар, уларнинг ўзига хос хусусиятлари, моҳияти, ижтимоий-сиёсий тузуми, ҳуқуқ манбалари, уларнинг умумий таърифи ҳамда сиёсий тузумининг ўзига хос хусусиятлари, ҳуқуқий ёдгорликларни ўрганишга бағишланган. Шунингдек, ўрта асрлардаги Франклар давлати, Англия, Франция, Германия каби Ғарбий Европа давлатлари, Араб халифалиги, Ҳиндистон каби Шарқ давлатлари ҳамда Жануби-Шарқий Европа мамлакатларида ўрта аср давлати ва ҳуқуқининг асосий белгилари ёритиб берилган. Унда курснинг дастури тўла қамраб олинган бўлиб, янги ва энг янги даврда Англия, Франция, Германия, АҚШ, Россия Федерацияси давлати ва ҳуқуқи, Евроосиё давлатлари ва ҳуқуқи, қолаверса, ҳуқуқнинг ривожланишидаги тенденциялар баён этилган. Китоб давлат ва ҳуқуқ масалаларини ўрганишда ҳуқуқшунослик факультети талабаларига мўлжалланган бўлса-да, давлат ва ҳуқуқ тарихи билан қизиққан барча кишиларга ёрдам бериши мумкин.

Фуқаролик ҳуқуқи. I қисм

Мазкур дарслик Ўзбекистон Республикаси Конституцияси, Фуқаролик кодекси ва бошқа қонун ҳужжатлари асосида ёзилган бўлиб, университетларнинг юридик факультетлари, юридик институтлари ва ҳуқуқ асослари ўқитиладиган олий ўқув юртлари талабалари учун мўлжалланган. Тўртинчи нашрда мамлакатимизда қабул қилинган янги қонун ҳужжатлари ва уларга киритилган ўзгартишлар ҳамда қўшимчалар ҳисобга олинган ҳолда фуқаролик ҳуқуқининг мазмун-моҳияти ёритиб берилган. Дарслик нафақат талабалар, балки суд, прокуратура, адвокатура ва нотариат органлари ходимлари учун ҳам муҳим қўлланма ҳисобланади.

MAKTABGACHA PEDAGOGIKA

MAKTABGACHA TA'LIM HAR TOMONLAMA UYG'UN RIVOJLANGAN SHAXS TARBIYALASH, BOLANI BUTUN KELAJAGINI BELGILAB BERADIGON BILIM VA QADRYATLARNI YOSH AVLOD QALBIGA SINGDIRISHDA JUDA MUHIM AHAMIYATGA EGA BO'LGAN TIZIMDIR.

Футбол

Дарслик жисмоний тарбия институтларининг футболга ихтисослашаётган талабалари учун мўлжалланган бўлиб, у мазкур фан бўйича мутахассислар тайёрлаш дастурига мувофиқ ҳолда тузилган. Дарсликда футбол ўйинининг техникаси ва тактикаси, ўқитиш ва ўқув машғулот жараёнларини олиб бориш услубияти ёритилган. Муаллифлар томонидан Ўзбекистоннинг иссиқ иқлим шароитларида футбол билан шуғулланишнинг ўзига хос хусусиятлари инобатга олинган, бу эса аввалги нашрлардан фарқли жиҳат ҳисобланади.

ФРАНЦУЗ ТИЛИ ДАРСЛИГИ

Мазкур дарслик олий ўқув юртлари учун чиқарилган дастур асосида ёзилган бўлиб, унда француз тили фонетикасининг қоидалари, унинг ўзига хос томонлари, товуш ва ҳарф тизимлари, шунингдек грамматик қоидалари ўзбек тили билан таққосланган ҳолда батафсил баён қилинган. Дарслик университетларнинг табиий фанлар факультетлари талабалари учун мўлжалланган бўлиб, физика, математика, кимё, биология, география, геология каби табиий фанлар бўйича матнларни ўз ичига олади.

Фонетика английского языка. Нормативный курс

Данная книга является вторым переработанным изданием практического курса фонетики английского языка для студентов педагогических институтов и факультетов иностранных языков. Пособие состоит из трех основных частей: теоретической, блока практических упражнений и фонетической хрестоматии. В учебнике рассматриваются ключевые аспекты английской фонетики, включая классификацию звуков, интонационные структуры, правила чтения и ритмико-мелодические особенности речи. Авторский коллектив опирается на передовые достижения советской лингвистической школы, предлагая детальный анализ английской фонетической системы в сравнении с артикуляционными особенностями русского языка. Учебник снабжен ключами к упражнениям, что облегчает самостоятельную работу студентов и способствует углубленному освоению материала.

ФАЛСАФА

Дарслик барча таълим йўналишлари учун мўлжалланган бўлиб, унда фалсафий тафаккур эволюцияси, онтология, гносеология, фалсафий антропология, праксиология ва глобаллашув масалалари замонавий тафаккур нуқтаи назаридан ёритиб берилган. Китоб фалсафанинг моҳияти, унинг тарихий ривожланиш босқичлари ва жамиятдаги ўрнини очиб беришга қаратилган илмий манба ҳисобланади.

Фалсафа ва фан методологияси

Дарслик фалсафа ва фан методологияси дастури асосида давлат таълим стандартларига мос равишда тайёрланган. Унда асосий эътибор фан тараккиёти тарихи, йуналиши, даражалари, методологияси, фан фалсафасининг долзарб муаммолари, фаннинг инсон ва жамиятдаги роли, истикболлари ва ундаги мавжуд муаммолар фалсафий тахлил килинган. Китобда фан тарихи, фан фалсафаси, илмий билиш методологияси ва билим тизимида табиий илмий, фалсафий ва диний таълимотларнинг узаро алокаси каби мавзулар кенг ёритилган.