-
-
Xalq ta’limi. Pedagogika
-
-
-
-
Ўзбекистон миллий энциклопедияси. 10-жилд. Шарқ – Қизилқум
Ўзбекистон миллий энциклопедиясининг 10-жилдида Шарқ ва Қизилқум каби муҳим тушунчалар, жой номлари, маданий ва табиий объектлар ҳақида кенг қамровли илмий маълумотлар берилган. Китобда Шарқ музейи, нашриёт фаолияти, географик хусусиятлар, жумладан, Шарқий Австралия, Шарқий Африка ҳамда Ўзбекистон тарихи ва маданиятига оид мақолалар жамланган. Энциклопедия илмий тадқиқотчилар, ўқитувчилар, талабалар ва кенг китобхонлар оммаси учун мўлжалланган бўлиб, давлат илмий нашриёти томонидан тайёрланган.
-
Ўзбекистоннинг мустақиллик даври тарихи
Мазкур ўқув-услубий қўлланма “Мустақиллик дарслари” ўқув дастурига асосланган ҳолда тайёрланган бўлиб, у Ўзбекистон Республикаси мустақил тараққиётининг 20 йиллигига бағишланган. Қўлланмада маъруза дарслари ва амалий машғулотларни ўтишга доир услубий тавсиялар берилган, мавзуларни ўзлаштириш учун зарур бўлган адабиётлар кўрсатилган. У олий ўқув юртлари талабаларига мўлжалланган бўлиб, ундан мамлакатимизнинг мустақиллик йилларида сиёсий, ижтимоий-иқтисодий, маданий-маърифий соҳаларда қўлга киритган ютуқлари билан қизиқувчи мутахассислар ва тарғиботчилар ҳам фойдаланишлари мумкин.
-
Ўзбекистонда олий таълим: 100 саволга 100 жавоб
Мазкур методик қўлланма олий таълим муассасаларида кредит-модуль тизимида талабаларнинг мустақил таълимини ташкил этиш ва назорат қилишга қаратилган бўлиб, уларнинг мустақил фикрлашларини шакллантириш мақсади ва вазифалари кўрсатилган, шунингдек, олий таълим тизимидаги ислоҳотлар ва долзарб масалаларга оид юзта саволга жавоблар келтирилган.
-
Ўзбекистонда демократик жамият қуриш назарияси ва амалиёти
Мазкур ўқув қўлланма Ўзбекистонда демократик ҳуқуқий давлат ва фуқаролик жамиятини барпо этишнинг назарий асослари, ижтимоий-иқтисодий ва сиёсий ривожланиш йўлларини ёритиб беради. Китобда жамиятни ислоҳ қилишнинг концептуал жиҳатлари, инсон манфаатлари, эркинлиги ва озодлиги каби умуминсоний қадриятларнинг ўзбек халқи менталитетига хос хусусиятлари билан уйғунлашуви таҳлил қилинган. Маърузалар матнлари шаклида тайёрланган ушбу нашр талабалар ва кенг китобхонлар оммасига мўлжалланган бўлиб, унда Ўзбекистон Республикасининг ижтимоий-сиёсий ва маънавий-маърифий ислоҳотларининг асосий йўналишлари ва мақсадлари батафсил баён этилган.
-
Ўзбекистон - Япония: ўзбек дипломатиясининг янги босқичи
Мазкур ўқув-методик қўлланма Ўзбекистон Республикасининг Япония билан ўрнатилган дипломатик, сиёсий, иқтисодий ва маданий алоқаларининг ривожланиш босқичларини таҳлил қилади. Китобда Президент Ислом Каримов раҳбарлигида олиб борилаётган ташқи сиёсатнинг устувор йўналишлари, халқаро майдонда Ўзбекистоннинг нуфузини ошириш, минтақавий хавфсизликни таъминлаш ва глобал муаммоларни тинч йўл билан ҳал этиш бўйича кўрилаётган чора-тадбирлар ёритилган. Қўлланма олий ва ўрта махсус касб-ҳунар таълими муассасалари ўқитувчилари ва талабалари учун мўлжалланган.
-
Фортепианная музыка для детских музыкальных школ старшие классы пьесы выпуск 8
Фортепианная музыка для детских музыкальных школ старшие классы пьесы выпуск 8
-
Ўзбекистон тарихи (IX–XII асрларда Ўрта Осиё халқлари ҳаётида юз берган Уйғониш (Ренессанс) даври: фан ва маданият равнақи)
Ушбу ўқув-услубий қўлланмада Шарқда илк Уйғониш (Ренессанс) даври деб аталган IX – XII асрларда Ўрта Осиё халқларининг жаҳон илм-фани, маданияти ва маънавиятига қўшган улкан ҳиссаси, Туронзаминда яшаб, фаолият юритган қатор олиму, шоиру меъморлар илмий мероси атрофлича тадқиқ этилган. Шунингдек, «IX – XII асрларда Ўрта Осиё халқлари ҳаётида юз берган Уйғониш (Ренессанс) даври: фан ва маданият равнақи» мавзусини ўқитишда инновацион таълим технологияларидан фойдаланиш йўллари ёритилган.
-
Ўзбекистон тарихи
Ушбу ўқув-услубий қўлланмада чор Россияси босқини арафасида ўзбек хонликларидаги ижтимоий-сиёсий вазият, Россия империясининг ўзбек хонликларини ҳарбий куч билан истило қилиши ҳамда Туркистон ўлкасини мустамлакага айлантириш борасидаги сиёсати, ўлкада амалга оширилган руслаштириш сиёсати, Туркистоннинг хом ашё манбаига айлантирилиши, ўлка халқлари томонидан мустамлакачиларга қарши олиб борилган миллий озодлик курашлари, аҳоли маънавиятини ва хурфикрлигини юксалтиришда жадидларнинг тарихий хизмати ёритиб берилган.
-
Ўзбекистон тарихи. Маърузалар матни
Маърузалар матнида Ўзбекистон халқларининг энг қадимги замонлардан ҳозирги кунга қадар босиб ўтган тарихий йўли ёритилади. Шунингдек, «Ўзбекистон тарихи» фани намунавий ўқув дастури (Тошкент, 2004) асосида ижтимоий-сиёсий, иқтисодий ва маънавий-маданий ҳаётга оид муаммолар, тарихий воқеаларнинг моҳияти, сабаблари ва қонуниятлари таҳлил этилади.
-
Ўзбекистон тарихи фанидан маърузалар технологик хариталари
Мазкур адабиёт замонавий ўқитиш технологияси асносида Ўзбекистон тарихи фанидан олий ўқув юртлари профессор-ўқитувчилари ҳамда талабалари учун методик қўлланма сифатида нашр этилган. Замонавий ўқитиш тизимининг жаҳон андозаларига мос илғор услубларига ҳамоҳанг равишда ҳамда Ўзбекистон тарихи фанига хос хусусиятларни ҳисобга олган ҳолда фан юзасидан дарс олиб бориш технологияси қўлланмада тўлақонли равишда ўз аксини топган. Ушбу методик қўлланма Ўзбекистон тарихи фанидан 76 соатли дастур асосида ташкил этилган бўлиб, унда маъруза машғулотлари ўтказиладиган мавзулар ўрин олган. Китоб номутахассис факультетлар бакалавр йўналиши учун мўлжалланган.
-
«Ўзбекистон тарихи» курсида маданий меросни ўрганиш масалалари
Ушбу ўқув-услубий қўлланма олий ўқув юртларининг тарих йўналишидаги талабаларига мўлжалланган бўлиб, унда Ўзбекистон тарихини ўқитиш жараёнида маданий меросни чуқур ва пухта ўрганиш, аждодларимиз қолдирган бой маънавий хазинадан самарали фойдаланиш, шунингдек, тарихий манбаларни таҳлил қилиш ва улар асосида илмий хулосалар чиқариш кўникмаларини шакллантириш масалалари ёритилган.
-
Ўзбекистон тарихи. Маърузалар тўплами. II қисм
Ушбу тўплам 2000 йилда нашр этилган «Ўзбекистон тарихи»дан маърузалар тўплами I қисмининг давоми бўлиб, «Ўзбекистон тарихи» намунавий дастури асосида тайёрланган. Китобда тарихимизни ҳозирги кун нуқтаи назаридан ўрганиш, унга холисона баҳо бериш принциплари асосланиб, чор Россияси Ўрта Осиёни босиб олгандан то Ўзбекистон мустақилликка эришган ҳозирги кунларгача бўлган даврни ёритишга бағишланган.
-
Ўзбекистон Республикаси Конституциясини ўрганишда Президент Ислом Каримов асарларидан фойдаланиш бўйича услубий қўлланма
Ушбу услубий қўлланма Ўзбекистон Республикаси Президентининг 2001 йил 4 январдаги «Ўзбекистон Республикаси Конституциясини ўрганишни ташкил этиш тўғрисида»ги фармойиши ижросини таъминлаш мақсадида тайёрланган. Қўлланмада Ўзбекистон Республикаси Конституциясининг ўзига хос хусусиятлари ва демократик моҳиятини чуқур ўрганиш, Конституция ғояларини аҳоли онгига сингдириш ҳамда ёшларни ҳуқуқий билимлар билан қуроллантириш масалалари ёритилган. Китобда Президент Ислом Каримовнинг сиёсий-ҳуқуқий қарашларига асосланган ҳолда Конституцияни ўрганиш бўйича тавсиялар, ўқув дастурларини ишлаб чиқиш услубиёти ва Конституциянинг давлатчилик тизимидаги ўрни батафсил таҳлил этилган.
-
Ўзбекистон Республикасининг конституциявий ҳуқуқи
Ушбу ўқув-методик қўлланма Ўзбекистон Республикаси Конституциясининг мазмун-моҳиятини ўрганиш, ёш авлоднинг ҳуқуқий онги ва тафаккурини шакллантириш ҳамда конституциявий тузум асосларини ёритиб беришга қаратилган бўлиб, унда инсон ва фуқароларнинг асосий ҳуқуқлари, эркинликлари, ҳокимият тизими ва давлат органларининг фаолияти каби муҳим жиҳатлар схемалар ёрдамида тизимлаштирилган.
-
Ўзбекистон Республикаси Президенти Ислом Каримовнинг «Юксак маънавият – енгилмас куч» асарини ўқитиш бўйича ўқув-услубий қўлланма
Мазкур ўқув-услубий қўлланма Президент Ислом Каримовнинг «Юксак маънавият – енгилмас куч» асарини олий таълим муассасаларида ўқитиш учун мўлжалланган бўлиб, унда асарнинг барча боблари ва фасллари қамраб олинган. Қўлланма асар ғояларини талаба-ёшларга содда ва тушунарли қилиб етказиш, шунингдек, олий ва ўрта махсус таълим муассасаларининг профессор-ўқитувчиларига методик ёрдам кўрсатиш мақсадида ишлаб чиқилган.
-
Ўзбекистон Республикаси Президенти И.А.Каримовнинг “Мамлакатимизда демократик ислоҳотларни янада чуқурлаштириш ва фуқаролик жамиятини ривожлантириш концепцияси”ни ўрганиш бўйича маъруза матни
Мазкур маъруза матни Ўзбекистон Республикаси Президенти Ислом Каримовнинг 2010 йил 12 ноябрда Олий Мажлис Қонунчилик палатаси ва Сенатининг қўшма мажлисида сўзлаган нутқи асосида тайёрланган. Китобда мамлакатимизда демократик ўзгаришларни янада чуқурлаштириш, суд-ҳуқуқ тизимини ислоҳ қилиш, ахборот соҳасини такомиллаштириш, сайлов қонунчилигини ривожлантириш ҳамда фуқаролик жамияти институтларини шакллантириш бўйича устувор йўналишлар батафсил таҳлил қилинади.