Unilibrary. Oliy ta'lim muassasalarining yagona elektron kutubxona axborot tizimi.

Мен англаган дунё

Табобат илмининг султони Абу Али ибн Синонинг тафаккур гулшанидан дасталанган ушбу гулдаста улуғ донишманднинг ҳассос ишқий ғазаллари, ҳикматга йўғрилган рубоийлари, турмуш фалсафасини ўзида акс эттирган сермазмун қитъа ва байтлари, рамзу тимсоллар асосига қурилган машҳур "Айния" қасидаси, фалсафий ва тиббий асарларидан териб олинган.

Хон ва ўзгалар

Тушдан кейин хон уйдан чиқар экан, бу кеч, чекиш ва ичимлик учун керакли нарсаларни вақтлироқ ҳозирлаб қўйишни тайинлаб қўйди. Аммо, у Зулфу тайёрлаб қўйган идиш-асбобларга эътибор бермай, ҳатто унга бирор нарса ҳам демай, оҳиста курси томонга ўтиб, папах ва устки кийими билан сандалга тиқилди. Бир дам мизғиб олиш ўрнига, қаршидаги деворнинг бир нуқтасига тикилиб қолди. Кейин қўлини сандалдан чиқарди-да, бармоқларини бирпас бир-бирига ишқаб туриб, Зулфуга буюрди: - Зулфали, сен ишингга боравер, овқат керак бўлса, ўзим чақираман. Хон яна қўлларини сандалга тиқиб бир нуқтага тикилганча, хаёл суриб кетди.

OISHA roziyallohu anho-Payg’ambarimiz sollallohu alayhi vasallamning suyukli ayoli

Islom olamidagi muhtarama zotlarning eng avvalida shubhasiz Oisha onamizning nomi zikr etiladi. Chunki ul muhtarama Rasululloh sollallohu alayhi vasallam uchun eng sevimli rafiqa bo’lgan. Shuning uchun ham Nabiy alayhissalom Oisha onamizni erkalab, “Ya A’ish” deb chaqirar ekanlar. Payg’ambarimiz sollallohu alayhi vasallam uchun sevimli bo’lgan zotlar uning ummatlari uchun ham sevimlidir. Qolaversa, Oisha onamiz bilan bog’liq oyati karimalar nozil bo’lganki, bu ulug’ hodisa ham ul zotning Alloh huzuridagi martabasidan nishonadir. Oisha onamizning o’zidan shunday hadis rivoyat qilinadi: “Rasul alayhissalom menga: “Ey Oisha, Jabroil senga salom keltirdi” dedilar” (Buxoriy rivoyati). Jabroil alayhissalomdek ulug’ farishtaning salomiga munosib bo’lish saodati har kimga ham nasib etavermaydi.

Andisha va g‘urur

Jeyn Ostin «Andisha va g‘urur» («Gordost i predubejdeniye») asarida qishloq dvoryanining qizi Elizabet Bennet bilan o‘zining kelib chiqishi, boyligi ila mag‘rur boy pomeshchikning o‘g‘li Fitsuilyam Darsi o‘rtasidagi sarguzashtlarni hikoya qiladi. Asar 1813-yilda nashr qilinib, adabiyot dunyosida katta shov-shuvga sabab bo‘ldi. Ushbu asar haqida o‘sha paytdagi «Britaniya tanqidchisi» jurnali shunday yozgan edi: «Asar shu paytgacha o‘quvchilar hukmiga havola qilingan bu turdagi hamma romanlardan yuqori turadi». Umid qilamizki, mazkur asar hurmatli o‘zbek kitobxonlariga ham manzur bo‘ladi.

Ғазал бўстони

Ғазал-ўзбек классик адабиёти тарихининг барча даврлари ва барча намояндалари ижодида ўз мавқеини сақлаб келган лирик жанр ҳисобланади.

Баҳорнинг ўн етти лаҳзаси

Ушбу китобда фаришталар империасининг охирги кунлари тасвирланган. Фаришталар ўзларининг ёзув ниятларини амалга ошира олмадилар. Лекин сўзсиз таслим бўлишга ҳам рози эмаслар. Бундай вазиятда жосуслар фаол харакат қиладилар. Рус жосуси Штирлиц (Максим Максимович Исаев) бундай холатда қандай ишларни амалга оширилганлигини ушбу китобни ўқиш давомида билиб оласиз.

Qiz bolaga tosh otmang

Ushbu kitobdan sevimli yozuvchimiz Xudoyberdi To'xtaboyevning so'nggi yillarda yozgan ikki romani o‘rin olgan.Undagi asar qahramonlari mustaqillik davrining farzandlari.Ular mustaqillik yaratib bergan imkoniyatlardan foydalanib, fermer xo'jaligi tashkil etadilar.

АСАРЛАР. уч жилдлик I жилд (шеърлар, драмалар, таржима)

Ўзбек адабиётининг ёрқин вакили Абдулҳамид Сулаймон ўғли Чўлпоннинг уч жилдли Асарларинннг биринчи жилдига шоирнинг турли йилларда ёзилган ва турли нашрларда эълон қилинган шеърлари, драматик асарлари ҳамда Шекспирнинг «Ҳамлет» пьесаси таржимаси киритилган.

Чорлов (Шеърлар тўплами)

Шоир Абдухамид Парданинг шеърлари самимият билан йўғрилган. Янги "Чорлов" тўплами асосан лирик шеърлар, "Навоий" достони ва жаҳон шеъриятидан қилинган таржималардан иборат. Уларда инсон қалбининг ранг-баранг жилолари шоирона ифода этилган. Ғазал ва мухаммас йўлида битилган ашъорлар шоирнинг мумтоз адабиётимизга меҳр-муҳаббати ҳосиласидир. "Чорлов" тўплами дилрабо шеърият мухлисларига манзур бўлади, деган умиддамиз.

Бизнинг кишлок

Дунёда ёш боланинг кўнглига йўл топишдан оғирроқ вазифа бўл маса керак. Болаларнинг руҳий оламини билган ёки силишга нити кишигина улар билан тез тил топишади. Болалар шоири бўлишнинг қийнлиги ҳам шундаки, болаларнинг қалби очилмаган қўриқ бўлиб, унда гўзал бог-рог яратиш масъулияти шоирнинг зиммасига тушади. Ҳусан Убайдулло болалар оламининг очилмаган газларини ёритишни, болаларни ахшиликка ундаб, ёмонликка нафрат билан қарациии турли жониворлар ёки предметлариниг суҳбатлари орқали беришни яхши кўради. Унинг «Ухшатиш», «Тарсаки», «Қорним таке, «Га», «Қозон» «Эшак», «Тун-Тун», «Зулук» сингари кўплаб шеър лари болаларга завқ бериш билан биргаликда фикр юритишга ҳам Ўргатади. Унинг шеърларида энг муҳим нарса самимийлин бўлгани учун ҳам ёқимли ва ҳузурбахш туйилади. Шоириниг «Уруш бўлма- сип», «Урмонда айиқ...» кабир бир нечта шеърлари мазмунан бир оз оқсаса да, аммо шу шеърлар ҳам ҳаётга яқин бўлгани учун ўзини оқлайди. Умуман айтганда, Ҳусан Убайдуллонинг «Бизнинг қишлоқ комли тўплами китоб ҳолида чоп этилса, болалариниг чинакам шопр дари камайиб кетган бугунги кунда болалар ўзларининг самимий шоири билан ўртоқлашган бўлур эди.

СЎНГГИ ҚЎНҒИРОКДАН КЕЙИН...

Мустақиллик йилларида мамлакатимиз таълим тизимида амалга оширилган улкан ислоҳотлар нафақат ёш авлоднинг пухта билим олишини, шунингдек, ёшларнинг шахс сифатида шаклланишини таъминлашда ғоят улкан аҳамият касб этди. Ислоҳотлар жараёнида педагог кадрларни тайёрлаш, уларнинг малакасини мунтазам ошириб боришга доир чора-тадбирлар ҳам изчил йўлга қўйилди. Бу борада матбуот олиб бораётган ишлар таҳсинга лойиқ. Республикамиз газета ва журналларида баркамол авлод тарбиясига оид эълон этилаётган мақолаларда бевосита бугунги кун талабларидан келиб чиқилган ҳолда таълим-тарбия, одоб-ахлоқ, дунёқарашни шакллантиришга ҳамда умумий соний муаммолар аниқ ҳаётий мисоллар орқали таҳлил этиб берилаётир.

Танланган асарлар (Кўнгил орзулари)

Истиқлолчи тоир Абдулҳамид Мажидий бор-йўғи 38 йил умр кўрди. 19 йил ижод этди. "Абутанбал", "Чақмоқ" каби та халлуслар остида шеър ва достонлар, ҳикоя ва драмалар, илмий ва публицистик мақолалар ҳам фельетонлар битиб эл орасида шуҳрат топди. Ижодкор таниқли театр режиссёри ва йирик журналист сифатида ҳам танилган эди.

Асарлар II жилд

Туркистоннинг ... номлик бир уездни шаҳарда Ҳожи Аҳмад исмли 60 яшар бир камбағалгина сартарош ҳожи бор эди. Анинг хотуни чахутка (сил) касалига мубтало бўлуб, тўқуз ой қадар хасталик тўшагида ётгандан сўнгра вафот бўлғон эди. Ул хотундан Муҳаммадиёр исминда бир ўғил туғилган эди. Ҳожи Аҳмад ўз шаҳрида «ҳожи сартарош» деб машҳур эди. Анинг ҳожилиғининг бош сабаби 15 яшар экан вақтида отаси ила ҳажга борган эди. Отаси ҳаж да вафот топкандан сўнгра «ёлғуз ўзи Миср, Истамбул, Фас-Марокаш, Булужистон, Бағдод, Эрон ва Афғонистон тарафларни ва ички Русияни ўн йил қадар саёҳат қилуб қайткан эди.

Гўзал Туркистон (шеърлар)

Ушбу рисола шоир Чўлпон таваллудининг 100 йиллигига тайёрланган бўлиб, унда шоирнинг илгари қайта нашр қилинган мумтоз шеърлари билан бирга биринчи бор қайта чоп этилаётган парчалари ҳам кирган. Мажмуанинг тузувчиси Чўлпоннинг илгариги тўпламларида ўтиб кетган матний ва фактик хатоларни тузатишга ҳаракат қилган. Мажмуа сўз боши ва изоҳлар билан таъминланганки, бу ундан кенг китобхонлар оммасигина эмас, балки талабалар, аспирантлар, умуман чўлпоншунослар фойдаланишлари учун бирмунча қулайлик туғдиради.

Buloqlar quchog'ida

XX asr o'zbek she'riyatining yorqin yulduzi Abdulhamid Sulaymon o'g'li Cho'lponning ushbu kitobiga insonning ma'naviy ozodligi, hurligi, Vatan mustaqilligi kabi ulug'vor g'oyalar bilan oziqlangan go'zal she'rlari jamlandi.

Танланган асарлар 1-жилд

Асар аштархонийлар сулоласининг Бухоро тахтидан кетиши ва янги сулола манғит амирларининг ҳокимият тепасига кели ши каби тарихимизда бурилиш ясаган воқеаларга бағишланган. Асар воқеалари XVIII асрга тааллуқли бўлгани учун, матида жуда кўп тарихий сўзлар, ҳозирги мавжуд сўз ва ибораларнинг ўтмишдаги шакллари учрайдики, нашрга тайёрлашда уларни айнан сақлашга тўғри келди, Асарнинг ушбу нашрида шундай ўринларга изоҳлар берилди, шунингдек фожианинг 1989 йилги нашрида учраган айрим хатолар, нотўғри ўқилган ва тушиб қолган жумлалар тўғриланди.