Unilibrary. Oliy ta'lim muassasalarining yagona elektron kutubxona axborot tizimi.

Ишқ

Зеро Мирзо шеърларида бир куйни эшитасиз, бир манзарани томоша қиласиз ва узоқ вақт ўша лаҳзада юракда туғилган туйғулар асири бўлиб қоласиз. Шоира шеърларини мутолаа қиладиган китобхон уни тезда унутиб қўймаслигига, юрагига кўчган ишқ сайли узоқ давом этилишига ишонамиз.

Ажаб дунё

Одам умрини табиат фаслларига ухшатиб сифатлашади. Бахор - болалик ва ёшлик фасли, умр адоғи эса куз - хазонрезги фаслига қиёсдир. Бахору ёз имтихон фасли, кўз эса меваларни териб олиш, умр интихосидаги оқибат натижа кўринадиган кимгадир хаяжонли, кимгадир вахимали, яна кимгадир хатарли дамлардир. Мазкур китобга жамланган асарларда ана шу сўнгги имтихон онларидан хикоя қилинади.

Гоблинлар қўриқхонаси

Америкалик фантаст-ёзувчи Клиффорд Саймакнинг “Гоблинлар қўрикхонаси” романи фэнтези жанрида яратилган энг ажойиб асарлардан бири ҳисобланади. Унда Ер шарида инсондан анча аввалроқ пайдо бўлган “митти элат” - эльфлар, троллар ва гоблинлар қаторида хад-худудсиз Коинотнинг кўз илғамас пучмоқларидан келган ва ақлбовар килмас шакл-шамойиллардаги беҳисоб онгли мавжудотларни учратасиз. Улар иштирокидаги ажойиб-гаройиб вокеаларнинг шид­дат билан ривожланиши эса ўқувчи ақлини шошириб кўяди.

Буюк Гетсби

Америкалик ёзувчи Фрэнсис Скотт Фицжеральд жаҳон адабиётида чуқур из қолдирган. Сизнинг эътиборингизга ҳавола этилаётган унинг «Буюк Гэтсби» романида Америка ҳаёти тасвирланади, Гэтсби исмли йигит Дэзи номли қизни чин юракдан севиб қолади. Уруш сабабли севган қизини йўқотиб қўяди. Воқеалар тизими уларнинг айрилиши ва топишиши асосид кечади.

Мангу қалқон

Шарқшунос олим, ёзувчи, журналист ва таржимон Хабибулла Зайниддин асрлар мобайнида номи тилларда достон бўлиб келаётган элимизнинг марду майдони, мангу қалқони бўлмиш буюк саркарда Жалолиддин Мангубердининг Ватан ва халк озодлиги йўлидаги курашини қаламга олади. Тарихий воқеаларни ёрқин бадиий воситалар оркали ифодалайди. Халқ қаҳрамонига айланган Жалолиддин Мангуберди ҳақидаги ушбу тарихий роман китобхонлар эътиборини шубҳасиз ўзига тортади.

Рауф Парфи сабоқлари: адабий портрет

Ўзбекситон Халқ, шоири Рауф Парфи ҳаёти ва ижоди ҳақида ҳикоя қилувчи ушбу китоб самимий лавҳалар ва мушоҳадалардан ташкил топган. Унда мазкур буюк иқтидор эгасининг ўзига хос шеърияти таҳлил этилган. Шоирнинг замон ва даврга муносабати, ҳақиқати, ижодий жасорати, юксак маҳорати, машҳур «Лайло» қўшиғининг тарихи ва умрбоқий сабоқлари қаламга олинган.

Суғдиёна: Тарихий роман

Искандар Зулқарнайн Доро Қўшинларини тор-мор келтириш билан чекланмай Шарққа юришини давом эттиради. Бу юришини "халоскорлик " деган сўз билан ниқоблайди. Мазлум халқлар аввалига бў сўзга ишонадилар бироқ ниқоб йиртилади. Суғдиёна халқи баҳодир йўлбошчи Спантемаъно атрофига уюшиб, ватан озодлиги учун чет эл босқинчиларига қарши каҳрамонларча кураш бошлайдилар...

Минг қуёш шуъласи

Азиз китобхон! Таниқли америкалик афғон адиби Холид Ҳусайний қаламига мансуб, жуда катта шов-шувларга сабаб бўлган асарни ҳукмингизга ҳавола этмоқдамиз. Асарда яқин ўтмишда, биздан атиги бир неча юз чақирим йироқда юз берган ҳаққоний воқеалар тилга олинган. Асар қаҳрамонларининг фожиавий қисмати билан танишаркансиз, уларга нисбатан ҳамдардлик ҳиссини туйиш баробарида тинчлик, осойишталик, фаровонлик сингари неъматларнинг қанчалик бебаҳо эканини англаб етасиз. Қалбингизда биз яшаётган замон ва макон учун беҳад шукроналик жўш уради.

Юракнинг бир парчаси (Жаҳон адабиёти ҳикоялари)

"Китоб дунёси" газетаси аллақачон сизни қадрдонингизга айланиб улгурган. Қўлингиздаги китобда- севимли газетангизда чоп этилган жаҳон адабиётининг турли йиллар ва даврларда ёзилган ҳикояларини жамладик. Яхши асар - у миллати, динидан қатъи назар қалбингизни хушнуд этади, маънавий оламингизни бойитади.

Ширин қовунлар мамлакати

Сеҳрли қалпоқча китобини ўқигансиз,Эсингизда бўлса ўша китоб қаҳрамонлари орасида Акром деган бола ҳам бор эди.Ҳа ҳа хошимжон Рўзиевнинг яқин дўсти бўри боласини ченага қўшиб томоша кўрсатмоқчи бўлган.

Анна Каренина

«Анна Каренина», один из самых знаменитых романов Льва Толстого, начинается ставшей афоризмом фразой: «Все счастливые семьи похожи друг на друга, каждая несчастливая семья несчастлива по-своему». Это книга о вечных ценностях: о любви, о вере, о семье, о человеческом достоинстве.

Буюк қушлар

Шеърият образлар орқали сўзлаши билан гузал, шу билан қудратли. У шиддатли, жунунвор «кечаги шамол»ми, беозоргина ўтирган «шохимдаги кушча»ми, «ботаётган қуёш» ёки «ич-ичида йулбарс ўкириб, сиртдан майин жилмайган аёл»ми... Буларнинг барчаси бир, яъни дунёга бир мартагина келиб кетадиган азиз инсоннинг, ғанимат инсоннинг умр дафтаридан боблар, кўнгил кечинмаларидан кўринишлар.

Китобу-л-ҳаж

Ушбу китоб Бобурнинг "Мубаййин" асарига кирган бешинчи китобдир. Унда шоҳ Бобур шоирона услуб ва юксак бадиий савияда ҳаж қилиш шароитлари, ҳаж вақтлари, ҳаж арконлари, ҳаж суннат ва вожибларини мухтасар баён қилган.

Тушдаги ҳақиқат

Ҳаёт бир меьёрда кечмаганидек одамларнинг феьл-атвори ҳам бир тарзда бир қолипда эмас. Биридаги фазилат бошқасидаги иллатга зид. икки зидлик ўртасида доимо жанг кетади:гоҳ ошкора гоҳ пинҳона. Таниқли масалнавис шоир Ямин Қурбоннинг ушбу китобига унинг кейинги йилларда ёзган сара масаллари жамланган бўлиб улар ўрта ва катта ёшдаги ўқувчиларга муалимларга талабаларга кенг китобхонлар оммасига мўлжалланган.

Рита Хейворт ёхуд Шоушенкдан қочиш

Стивен Кингнинг сиз, азиз китобхонларга она тилимизда илк бор тақдим этилаётган «Рита Хейворт ёхуд Шоушенкдан қочиш» киссасида қамоқхона хаётининг дахшатлари борасида сўз юритилади. Азиз ўқувчи! Агар сиз ҳали муаллифнинг ижоди билан таниш бўлмасангиз, ишонинг, «Шоушенк...» мутолаасидан сўнг хаётингизда, ботинингизда эврилиш пайдо бўлади.

Эна шамол

Истеъдодли ёзувчи Баҳодир Қобулнинг "Эна шамол" китобига унинг кейинги даврда ёзилган, асосан республика матбуотида эълон қилинган ҳикоялари, шунингдек, миллий қадриятлар, ор-номус, фахр ва ғурур. Ватанга садоқат, юрт ва онага муҳаббат сингари олижаноб инсоний туйғулар фақат адибнинг ўзигагина хос услубда тараннум этилган "Ота чироқ" ҳикояси, "Эна шамол", "Оқдала", "Ўспиринлик" қиссалари ҳам киритилди.