Unilibrary. Oliy ta'lim muassasalarining yagona elektron kutubxona axborot tizimi.

30 сония учун 30 қоида

Бу китоб тингловчининг диққатини жалб қилишга, уни қизиқтиришга ва ундан ўзингиз истаган нарсани атиги ўттиз сония ичида сўрашга ўргатади.

OʻN SAKKIZGA KIRMAGAN KIM BOR

Mazkur kitobga O'zbekiston xalq yozuvchisi, iqtidorli adib Shukur Xolmirzayevning eng sara qissa va hikoyalari kiritildi. Ularda sevgi-muhabbatning o'zgacha talqini, oshiqlik va ojizlik, matonat va razolat, inson ma'naviyati bilan bog'liq bo'lgan ijtimoiy va axloqiy masalalar bayon etiladi

Ajdodlarimiz fojiasi

O'quvchilarimiz e'tiboriga taqdim etilayotgan kitobda Boborahim Mashrab, Mohlaroyim Nodira, Spitamen, Temur Malik, Jahon otin Uvaysiy kabi ajdodlarimiz hayot yo'li, ularning fojiali taqdiri haqida hikoya qilinadi. Qissalarni o'qir ekan, kitobxon yaqinlari hayoti uchun jon fido qilishga tayyor uyg'oq yurak, uyg'oq ruh bilan yashagan, atrofidagi insonlarning xatti-harakatlaridan og'ringan, insonlar taqdiriga yaxshilik olib kirishga intilgani holda kamsitilgan, tahqirlangan ajdodlari bilan yuzlashadi

Одам бўлиш қийин

Шундай истеъдод эгалари борки, тенгдошлари ва замондошларининг ҳурмат-эътиборини қозониш бахтига муяссар бўладилар. Бунинг устига ўз замондош устозлари эъзозидан, баҳра топадилар. Ижоддаги бундай ҳолат фақат ўша истеъдоднинг бахтигина бўлиб қолмай, балки у мансуб бўлган адабиётнинг ҳам омади, равнақидан бир далолатдир. Бизнинг адабиётимиз бахтига бундай чинакам истеъдод соҳиблари анчагина. Ўзбекистон халқ ёзувчиси Ўлмас Умарбековнинг қўлингиздаги ушбу романи албатта сизга манзур бўлади деб ўйлаймиз.

Odamlar ORASIDA

Odamlar orasida" qissasi Saida Zunnunovaning eng yaxshi asarlaridan biridir. Adiba qaysi mavzuga qo'l urmasin o'z qahramonlarini yorqin bo'yoqlarda tasvirlaydi. Bu kishilarning bir-biriga bo'lgan mehr-u oqibatiga havas qilasiz. Ushbu qissada adiba Vasila va Sirojning samimiy muhabbati, beg'ubor sevgisi tufayli chekkan mashaqqatlari qalamga olingan. Shuningdek, ushbu to'plamdan yozuvchining eng yaxshi hikoya-lari ham o'rin olgan

Qizlar daftariga

Ushbu kitob o'z davrida qoʻlma-qo'l bo'lib ketgan. Unda buvining nabira-qiziga, shu orqali uning dugonalariga hayot saboqlari muhabbat, vafo, burch va sadoqat, halollik, to'g'rilik xususidagi o'gitlari o'z aksini topgan. Shu bilan birga egrilikning oqibatlari, oiladagi kelinlik vazifalari, farzand tarbiyasidagi nozik jihatlar bayon etiladi. Kitob mutolaasi balog'at yoshidagi har qanday qiz qalbidagi yashirin so'roqlarga, yurak tubida asragan, kimdandir so'rashga iymanayotgan savollariga javob bo'ladi. Mazkur tuhfa turmush qurish arafasida turgan qizlari-mizga, yosh kelinlarimizga mustahkam oila bekasi boʻlish-larida hissa qo'shadi, degan umiddamizивация

Kafansiz ko'milganlar

Boshidan o'tkazgan qiyinchiliklarini, to'g'rirog'i, xo'rlikla-rini eslash insonni yana bir karra og'ir azobga ro'baro' qiladi. Uni yozish esa... Qatag'onlik davri tasviri, undan ham og'iri o'zining xalq dushmani deb ayblanishi haqida yozish, mahbusligini eslash, qamoq voqealari, lager hayoti, so'zsizlik... bularning haqqoniy tasviri Shukrulloning Kafansiz ko'milganlarida yaqqol ifodalangan. Asarning yana bir ahamiyatli jihati uning mazkur mavzudagi yagona asarligida. Ushbu xotira-roman o'quvchiga qatag'on davri haqida tirik lavhalarni namoyish etadi.

Özbek XARAKTERI

O'zbekiston xalq yozuvchisi, Hamza nomidagi O'zbekiston Davlat mukofoti sohibi Shukur Xolmirzayev o'zbek adabiyotining rivojiga munosib hissa qo'shgan adiblarimizdan biridir. Yozuvchi hayotiy voqealarni qalamga oladi. Paxtaga chiqqan kursdoshlar bir odamning qo'yini o'g'irlab, so'yib yeydilar. Yana qo'yning egasini ham o'g'irlangan qo'yning go'shti bilan mehmon qiladilar. Bunday hangomalar faqat talabalikda, bizning yurtda bo'lishi mumkin. Ushbu to'plamdan o'rin olgan hikoyalar har bir o'quvchini o'ylashga, fikrlarshga undaydi

SINCHALAK

Abdulla Qahhor ijodi o'zbek adabiyoti uchun mustahkam qoya, ayni damda yo'lchi yulduz vazifasini bajaruvchi mahorat maktabidir. Yozuvchining qay bir asarini olmang, unda dard, iztirob, alam, odamzodning barcha quvonch-u shodligi yangicha bo'y ko'rsatadi. Asarning nihoyasiga yetmaguningizcha uning oxiri nima bilan yakun topishini bashorat qilolmaysiz, kutilmagan voqelik bilan yuzma-yuz kelasiz. Abdulla Qahhor asarlari qahramonlari ham oramizdagi odamlar bo'lsa-da, yozuvchi ularni ko'pchilikka namoyon boʻlmagan xislatlari orqali bizga tanishtiradi. Ularning qalbini tinglashga, ularga hamdard bo'lishga chaqiradi, Aziz kitobxon, Global books nashriyoti adib Abdulla Qahhor asarlarning ana shunday go'zal namunalarini qayta nashrga tayyorladi. Bu ham ko'pchilikning talab va istaklari mahsulidir. O'qing, bahra oling

Chol va Dengiz

Ushbu kitobda dunyo miqyosidagi mashhur adib - Er-nest Xemingueyning Chol va dengiz qissasi hamda yangi tarjima qilingan eng sara hikoyalari jamlandi. Xemingueyning aksariyat asarlarida bosh qahramon orqali insonning ulug'ligi kuylanadi. Odam, undagi iroda va matonat, oqillik va azmu qarordan og'ishmaslik, sobit-lik, hayot uchun kurash o'zgacha talqinda aks ettiriladi. Yozuvchi «Chol va dengiz qissasi uchun «Nobel mukofotiga sazovor boʻlgan

Етти мажлис

Жалолиддин Румийнинг илмий ва адабий мероси гоят катта. Ғазал, маснавий ва рубоийларни ўз ичига оладиган "Девони кабир" ("Улуғ девон"), фалсафий-сўфиёна мушоҳадалар, руҳият диалекти касини кашф этиб, инсон ақлини лол қолдирадиган теранлик би лан ёзилган "Маснавий-маънавий", "Мактубот", "Фиҳи мо фихий" ("Ичиндаги ичиндадир") номли асарларини бутун дунё севиб ўқийди. Румий ўз асарларида одамни тадқиқ этади, унинг табиати ва интилишларини кузатади, ботиний жилолар ва сурилишлар, қалб силжишларини қидириб топади. Румий асарларидаги жозиба шу қадар инсон кўнглига яқинки, унинг ҳар бир сўзи бир маёқ, умр йўлларини ёритгувчи чироқ, қалбга қўйиладиган зиё кабидир

Dahriyning ibodati

Onore de Balzak asarlari Yevropa adabiyotining gultoji sanaladi. U tahlil va kuzatuvning misli ko'rilmagan ustasi, inson psixologiyasining chuqur bilimdoni ham edi. Gobsek, Deplen, Anso, Burjua ularning hech biri bir-birini takror-lamaydi, ular qalbidagi mushtarak maqsad, ichki ziddiyatlar, orzular, boringki, adabiyotning insoniyatga ko'rsatadigan xizmati nuqtayi nazaridan bir-biriga juda yaqin. Mana shu ichki kechinmalarni yurakdan his etgan Balzak o'z asarla-ridan birida shunday yozadi: «Kishi haqida hukm chiqarish-dan oldin loaqal uning fikr-asrori, uning baxtsizligi, uning hayajoniga sherik bo'lish kerak». Qadrli kitobxon! Agar Balzak qahramonlarining ichki ke-chinmalarini tushunmoqchi bo'lsangiz, albatta, ushbu qissa va hikoyalar mutolaasiga shoshiling.

Hayot yutqazgan joyingdan bishlanar

Yosh bo'lishiga qaramay, millionlab turk kitobxonlari mehrini qozonib ulgurgan Mirach Chag'ri Oqtoshning ushbu kitobi ilk bor o'zbek tiliga o'girilib, o'quvchilar hukmiga taqdim etilmoqda. Mazkur asarida muallif muqaddas Qur'oni Karim-dagi suralar, payg'ambarlar hayotidan ibratli voqealardan misollar, jahonga tanilgan ko'plab mutafakkirlar, donishmand allomalarning purma'no fikrlaridan iqtiboslar keltirib, falsafiy mushohada yuritadi. U insonlarni ezgulikka, xayr-u saxovat ko'rsatishga, doimo yaxshilik qilish va kek saqlamaslikka chorlab, sabr-qanoatli bo'lishga undaydi; hayotdagi qiyinchiliklar Allohning bir sinovi ekani, ular oldida esankiramay, muammolarga yechim izlash, doimo olg'a intilish zarurligini uqtiradi, o'quvchida shukronalik tuyg'ularini uyg'otadi.

XXI ASRDA MUVOZANAT

Bu kitob o'zlikni anglash, botindagi muvozanatni yo'lga qo'ya olish kabi ma'naviy ehtiyojni to'ldirishga ko'mak maqsadida bitilgan. Inson zoti borki, baxtga erishmoqchi ekan, o'zining kimligi-yu, nimalarga qodirligi haqida bot-bot tafakkur qilgani ma'qul. O'ylasagina o'z ruhiy muvozanatidan tortib butun zamon muvozanati qadar tahlil tajribasini shakllantira oladi. Baxt tushunchasi sari yaqinlashadi. O'z maqsadi yo'lida muvaffaqiyatga erishganlar hayoti misolida bahs yuritilgan ushbu kitob sizni suhbatga tortadi. «Suhbat» davomida o'zingizda bardosh topish ham, aslida sizning ruhiy muvozanatingizni ko'rsatadi, aziz o'quvchi. Maqsadimiz sizni yanayam kengroq tafak-kurga undash. Xulosa esa sizdan. Kitobni o'qishni boshlarkansiz, isho-ning, uning yosh, jins, kasb, toifa, daraja tanlamasligiga amin bo'lasiz. Maroqli mutolaa tilaymiz, zamondoshim, anglashdan charchamang

ХАЛҚ БЎЛ ЭЛИМ

Ўзбекнинг ардоқли шоири Муҳаммад Юсуфнинг ушбу тўплами «Халқ бўл, элим» деб бежиз номланмади. Унинг ижодида халқига, Ватанига чексиз садоқат ва фидойилик мавзуси асосий ўринни эгаллаган. Ушбу тўпламга шоирнинг турли даврларда битилган энг сара шеърлари, достонлари киритилди. Ўйлаймизки, у шеърият мухлисларига муносиб туҳфа бўлади.

Falsafa asoslari

Okzbekiston Respublikasi Oliy va o‘rta maxsus ta’lim vazirligi tomonidan 2017-yilda tasdiqlangan yangi dastur asosida tayyor- langan mazkur qoilanm ada falsafaning umumnazariy masalalari, uning mantiq, etika va estetikaga doir yo‘nalishlari bo‘yicha umumiy ma’lumotlar, ushbu sohadagi qonunlar va kategoriya- lar, asosiy tushunchalar va tamoyillar haqidagi bilimlar muxtasar tarzda bayon qilingan.