Unilibrary. Oliy ta'lim muassasalarining yagona elektron kutubxona axborot tizimi.

Эъзоз эхтиромга лойиқ зот

Маънавият жонкуяри, ардоқли адибамиз, мархум Турсуной Содиқова: (Охиратлари обод бўлсин) “Аёл деб аталган мўъжизанинг хали том маънодаги таърифи, ўлчови ва ярашиқли бахоси топилгани йук. Олис сайёралар ўрганилди, етти қават ернинг сири ошкор булди, аммо аёл қалбидаги очилмаган неча-неча китъалар шундайлигича қолиб бормоқда.

Санъат менинг қуёшимдир

Ушбу китобда Ўзбекистан халқ артисти Саодатхоним Қобулованинг ҳаёти ва ижоди батафсил баён қилинган. Асарда санъаткорнинг устозлари, ҳамкасблари, шогирдлари ҳақидаги хотиралари бадиий ифодасини топган. Китоб санъатшунослар ва ўзбек санъати тарихи билан қизиқувчиларга мўлжалланган.

Маймун етаклаган одам

Юз йилдан бери терсоталикларнинг ғурури ва фахри бўлиб келган, замонавий қилиб қурилган равоқли уйлар қаршисида юздаги чипқондек қишлоққа кўримсизлик ва кексалик бағишлаб турган, номаълум ва мудҳиш синоатларга тўла қадим қўрғонни эслатувчи Байна момонинг уйини худди унутишга ва йўқ қилишга маҳкум этилган хотирадек ниҳоят бузиб ташлашга киришишди: темир тирноқли булдозерлар уйнинг деворларини қулатар эканлар, уй билан қўшиб, ўзларининг ҳам нималаринидир бузиб, вайрон қилишаётгандек, терсоталиклар бир чеккада жимгина кузатиб туришар ва нақ эллик йилча тақдирнинг бешафқат ўйинига қарши кураша-кураша дунёдан ёлғиз ва изсиз ўтиш азобини кўтариб келган, ҳаёти ўзларига ҳамон тушуниқсиз ва мавҳум туюладиган Байна момони эслаган аёллар кўзларига ёш олиб, болаларини бағирларига босганча, олис ва ғамгин хотираларга берилиб, мунғайган алфозда ўтирардилар.

Dunyoning ishlari

Bu qissa katta-kichik novellalardan iborat. Biroq ulaming barchasida men uchun eng aziz odam — onam siymosi bor. Bundagi odamlaming hammasini o‘z ko‘zim bilan ko'rganman. Faqat ba’zilarining ismi o'zgiirdi, xolos. Bu odamlarning qismati ham qaysidir jihati bilan onamga bog‘langan. Dunyodagi hamma onalar farzandiga munosabat bobida bir-biriga juda o‘xshaydi. Bas, shunday ekan, bu asar sizlarga bag‘ishlanadi aziz Onajonlar!

Дунё буюк ўқувхонадир

Буюк Яратувчи дунёга турфа неъматларини сочиб қўйди ва бу неъматларга бир - бирига раҳнамолик қилишни буюрди . Ҳукм ижро бўлди : йўқ нарса борга , ушоқлик улуғликка , оддийгина мавжудлик мўжизага дўнди . Яъни , қуёш донга нур узатиб эди , буғдойзор бўлди . Булоқ ҳовучида сув ташиб эди , илдиз ларзон боққа айланди .

Кўнгил табиблари

Китобдан ёш ота-оналар, боғча тарбиячилари, мактаб, коллеж, академик лицей, олий ўқув юртлари педагоглари ва талабалари “Маънавият ва маърифат асослари” дарсларида унумли фойдаланишлари мумкин.

Бунда бир ҳикмат бор

Қўлингиздаги китоб ҳаётдаги ибратли воҳеалар асосида тасниф этилган. Ундаги ҳикоялар сиз азизларни ушбу ҳикояларнинг ҳаётий асоси бор. Кимдир бошидан кечирганини сўзлаган; кимдир эшитганини айтган. Камина котиблик қилдим. Албатта, қоғозга тушиш асносида бир-икки жумла ўзимдан ҳам қўшилди, айрим эпизодларни жиндай силлиқлаб, бадиий тус бердим. Мақсадим — ўқувчи чиройли қабул қилсин таъсирлансин, ибрат олсин. Дарҳақиқат, ушбу мўъжаз китобча Сиз азизларнинг хонадонингизга, қалбингизга етиб бориб, маъқул келса, хайрли дуоларингиздан умид қилиб қоламан. Аллоҳ барчамизни ҳидоят йўлидан адаштирмасин, ҳикматидан ҳайратланиб юришни насиб этсин. Муаллифа чорлайди, деб ўйлаймиз. Ушбу ҳикояларнинг ҳаётий асоси бор. Кимдир бошидан кечирганини сўзлаган кимдир эшит ганини айтган. Камина котиблик қилдим. Албатта, қоғозга тушиш асносида бир-икки жумла ўзимдан ҳам қўшилди, айрим эпизодларни жиндай силлиқлаб, бадиий тус бер дим. Мақсадим — ўқувчи чиройли қабул қилсин, таъсирлансин, ибрат олсин. Дарҳақиқат, ушбу мўъжаз китобча Сиз азизларнинг хонадонингизга, қалбингизга етиб бориб, маъқул келса, хайрли дуоларингиздан умид қилиб қоламан. Аллоҳ барчамизни ҳидоят йўлидан адаштир масин, ҳикматидан ҳайратланиб юришни насиб этсин.

Қиз фарзандлар учун

Хаёт бир мактаб. Инсон хохлайдими, хохламайдими узун ва машаққатли хаёт йўлидаги баланд ва паст йўлларни босиб ўтиши керак. Бунда яхши ва ёмон кунлар, хушчакчак ва ташвишли онлар учрайди. Бундай холларда инсон узини кандай тутишлиги, нималарга эътиборини каратиши лозимлиги туғрисида баён қилинган кексалар ўгитлари қўл келади.

Абдулланома. Шарафномайи шоҳий 1-қисм

Ўзбекистон ва умуман Марказий Осиё тарихшунослигининг мўътабар манбаларидан бири, йирик муаррих ва нозиктаъб шоир Ҳофиз Таниш ал-Бухорий қаламига мансуб «Абдулланома» («Шарафномайи шоҳий») асари асримиз 50-йилларида марҳум шарқшунос таржимон Содиқ Мирзаев ва шарқшуносларнинг залворли меҳнати эвазига халққа таништира бошланган эди. Афсуски, Туркистон тарихининг Шайбонийлар ҳукмронлигида кечган XVI асрини деярли тўлиқ қамраган тароватли асар нашри ниҳоясига етмай қолганди. Ўзбекистон олимлари ва ноширлари ҳамкорликда ишлаб ушбу тарихий асарни шартли равишда икки жилдда, тўрт қисмда Сиз азиз китобхонларга тақдим этишга жазм қилдилар.

Донолар бисотидан

Хаммамизга маълумки, мустақиллик бизга ўз эркимизни, миллий урф-одатларимизни, жахон тан олган удум ва қадриятларнмизин кайта тиклаш имконини берди. Энди уни мустахкамлаш хаммамизга, бизнинг маънавиятимизга боғлиқ. Юртбошимиз И.А.Каримов: «Маънавият инсонга она сути, ота намунаси ва аждодларимиз ўгитлари билан сингади» деб бежиз айтмаган.

Jahon xalqlari ertaklari

Ertaklar qaysi tilda yaratilmasin, albatta, kitobxon qalbiga yo`l topadi. Uni yaxshilikka undaydi. Mazkur kitob o`quvchilarga manzur bo`ladi degan umiddamiz.

Haqiqat nima

Har kim haqiqatni o‘zining imoni, hayotiy tajribasi va farosati darajasida taniydi. O’lchovi ham mana shu holatlariga ko‘radir. Birov ko‘zlagan ishi foydasiga hal bo‘lmasa bo‘ldi, haqiqat yo‘q, deb hukm chiqaradi. Birov ko‘proq jamiyatini, mamlakatini, bugun insoniyatni o‘ylaydi, ularga haqiqatni sog‘inadi. Kecha onglarga haqiqat deb singdirilgan dunyoqarashlar bugun ulkan yolg’on-uydirma bo‘lib chiqdi. Jamiyat dovdirab qoldi. Kuchli siyosiy-mafkuraviy bosimlar tufayli haqiqat bo‘lib tuyuladigan, aslida tagi puch bo‘lgan falsafalardan charchagan insonimiz o‘zgarmas, mutlaq haqiqatni axtarishga ehtiyoj sezdi. Katta o‘zgarishlar zamonida hamisha shunday bo‘ladi. Muhimi haqiqatga tashnalikni vaqtida va to‘g‘ri qondirishdir. Tashna yurakka zarur vositani vaqtida va to‘g‘ri tuta bilishdir. Bu yo‘lda Alouddin Basharning "Haqiqat nima?" kitobchasi bizga yordamchi bo‘ladi. U aniq savollar yuzasidan aniq bir qizga yo‘llangan maktublardan iborat ekaniga qaramay, o‘qigan har bir inson xitob o‘ziga qaratilganini his qiladi. Asarning ta’sir kuchi va foydasi ham shu nuqtada, bizningcha. Haqiqatni topishingizda Alloh taolo sizga yor bo‘lsin, bu yo‘ldagi iztiroblaringiz quvonchlarga ulashib ketsin.

Muttahamning parvozi

Polshada 20-30-yillarning boshida iqtisodiy-siyosiy tanazzul yuz berdi. Bunday vaqtda mamlakatni qutqarishi mumkin bo‘lgan «kuchli odam»ga ehtiyoj sezildi.Qoloq Liskovdan Varshavaga kelgan, hech qanday ishga qo‘l urmay, sudxo'rlik bilan yashashni maqsad qilgan Nikodim Dizma mamlakat istagan «kuchli odam» qiyofasida bo‘y ko‘rsatdi.Aslida, Dizmaning bunday yuqori martabaga erishuvi, shu qadar tuban odamning hokimiyat tepasiga kelishiga imkoniyat yaratilganining o‘zi dahshat edi.Dolenga Nikodim Dizma va boshqa qahramonlar timsolida o‘sha davr Polsha davlat arboblarining prototipini yaratdi va roman yozuvchiga katta shuhrat olib keldi.

Bu dunyoda o’lib bo’lmaydi

Abdulla Qodiriy nomli Davlat mukofoti laureati, 0 ‘zbekiston xalq yozuvchisi Tog‘ay Murodning «Bu dunyoda o'lib bo'lmaydi» romani XX asr o'zbek ziyolilarining ko'rgiliklari, dard-alamlari, fojialari haqidadir.

Дўст дийдори

Ижоднинг машаққатидан ҳайиқмаган, шеърият сирларини эринмай ўрганган шоир, қачон бўлмасин, ўзи яратган асарларидан завқ-сурур олиши табиий. Мирза Қайнаров ҳам мисралари нечоғ пишиқ, ниятлари холис ва самимий, айтмоқчи бўлган фикрлари оҳорли бўлмасин, машқларини чоп этишга, китобларига дастхат ёзиб ғурурланишга шошилмади. Мана, бугун у дўстлар билан дийдорлашув пайти етиб келди, деб ўйлади шекилли, қалбида асраб юрган сўз гавҳарларидан тузилган шеърлар тўпламини инъом этмоқда...

Islom hazorasi

Ushbu kitobni chiqarishdan maqsadimiz – boshqa millatlar hazorasini yomonotliq qilib, Islom hazorasini ko‘klarga ko‘tarish emas. Balki ayrim noxolis tarixchilar, din muxoliflarining Islom dinini yangi zamon talablariga javob bermaydigan qoloq, ilm-ma’rifat, fan-texnikaga to‘sqinlik qiluvchi, insoniyat taraqqiyotidan orqada qolayotgan din, deb ko‘rsatishga urinishlarining asosi puch, g‘arazli ekanini ko‘rsatib qo‘yish, xolos. Ushbu kitobni o‘qib, undan Alloh taolo bizlarga ato etgan oxirgi Haq din-Islomning buyuk hazorasi haqida biroz ma’lumotga ega bo‘lsangiz, tushkun kayfiyatingizdan qutilsangiz, musanniflar niyatlariga yetgan bo‘lur edilar. Alloh taolo barchalarimizni O’zining Haq yo‘liga, hidoyat tariqiga yo‘llayversin, qalblarimizni Islom nuri bilan, musulmon ekanimizdan faxrlanish tuyg‘ulari bilan munavvar etsin.