Unilibrary. Oliy ta'lim muassasalarining yagona elektron kutubxona axborot tizimi.

Ойнинг акси

Адабиёт инсонга энг буюк мураббийдир. Хонада туриб бутун дунё маданиятини, санъатини, ҳаётини, одамларини ўрганиш мумкин. Айнан адабиёт орқали бошка элатларнинг орзулари, армонлари, ҳаётий қадриятлари билан танишасиз. Таниқли таржимон Дилдорхон Алиева томонидан ўзбек тилига ўгирилган ушбу асарлар сизга бошқа халқларнинг ҳаётидан ҳикоя килади. Қадрли китобхон, мазкур тўплам сизга манзур бўлишига ишонамиз.

Ризолик излаб

Ҳадис илми яшаш, комил инсон бўлиш йўлларини кўрсатувчи нурдир. Агар ихлос билан мутолаа қилсангиз, дардингизга дармон топасиз, хатоларингизни пайқаб қоласиз, кўнглингизда хайрли иштиёқлар туғилади. Инсон қалбан покланмагунча жамиятга фойдаси бўлмас. Ҳадислар эса инсон руҳиятини тозартирувчи халқчил, сингишимли омиллардан биридир. Китобда қирқта ҳадисга суянган ҳолда, инсон дунёсининг синоатлари, руҳият манзаралари, феълидаги афзалликлари ва нуқсонлари ҳақида мулоҳаза юритилди.

Танланган асарлар

Ўзбекистан Қахрамони, Халқ шоири Абдулла Орипов “Танлан­ ган асарлар”ининг саккизинчи жилди кейинги икки ярим йилда ёзил­ган руҳият ва чукур фалсафийлик омихта бўлган янги шеърлардан жамланди. Зукко шеърхонлар улкан шоир ижоди янги мавзулар, янги ифода воситалари билан бойиганига, давр ва халқ шахс ва жамият, ин­сон ва унинг қалби, нур ва зиё, муҳаббат ва нафрат, яхшилик ва ёвузлик, самимият ва ҳасад, меҳр ва қабохат сингари ўлмас ва азалий мав­зулар янги ифода воситалари орқали очиб берилганига ишонч ҳосил килиб, янги шоирона нигоҳдан завқ оладилар, деб умид қиламиз.

Токчадан топилган хазина

Юсуф Сиддиқовнинг ушбу китоби ўткир сюжет асосида яратилган бўлиб, воқеалар шиддат билан ривожланади. Асар қаҳрамонларининг ҳарактерлари кескин тўқнашувлар орқали очилади ва кишини ўзига ром этади. У Сизга манзур бўлади деб, умид қиламиз.

Сунбуланинг сўнгги оқшоми

Шеърият - муболағани, оширма гапни кўтариши мумкин. Ерни осмонга олиб чиқиб, фалакни заминга тушириб санъат яратиши мумкин. Аммо, насрда йўл бошқа - қаламкаш бор санъатини ҳақиқат ва мантиқ устига қуришга мажбур. Санжар Турсуновнинг ушбу бир тўплам ва бир ҳўплам қисса ва ҳикоялари ҳаётнинг энг оддий лаҳзаларидан, энг оддий воқеаларидан гўзал картиналар яратгани билан қадрли.

Ҳазрати Умар ибн Ҳаттоб

Ушбу асар ўзбек китобхонлари орасида "Саодат асри қиссалари" "Ўгай она" каби асарлари билан танилган А.Лутфий Қозончининг навбатдаги йирик асаридир. Унда Умар ибн Ҳаттоб ҳаёти қаламга олинади.

Жаннат ўзи қайдадир

Адибнинг ушбу китобига унинг асосан кейинги йилларда бир йиллик ижодий маҳсули жамланди. Турли жанрларга мансуб бу асарларни замон ва замондошлар орасидаги муносабатлар бирлаштириб туради.

Ўз ўзига ишонч ҳосил қилиш ва нотиқлик санъати

Аксарият ҳолларда кўпчилик омма олдида сўз юритаётганда иккиланади. Айнан шу муаммоларни ҳал қилишда,ҳаяжонни босишда ушбу китоб сизга кўмак беради.

Аламли дунёда аламли гулим

Инсоният яралгандан буён, инсонга одам деган буюк ном берилгандан бери сўз яшаб келмокда. Она боласини и сўз билан чақиради. Бола ҳам онасига сўз билан талпинади. Атрофимизни ўраб турган борлиқнинг моҳияти ҳам аслида сўзлардан таркиб топган. Дунёда сўздан-да қудратли куч йўқ. Инсонларни комилликка элтган ҳам, тубанликка қулатган хам сўздир. Бағритошларни симобдай эритган, золимни жаҳлидан туширган, душманни дўст қилган ва ёрнинг юрагига хам кириб борган сўздир. Азиз китобхон, ушбу китобда севимли шоирингиз Сирожиддин Саййиднинг қарийб қирқ йилдан ортиқ ижод намунаси СЕВГИ , МУ- ҲАББАТ , СОҒИНЧ ва АРМОН туйғуларини тараннум этган шеърларини жамладик. Муҳаббат ҳақида шеърлар сизга манзур бўлишига ишонамиз...

Охирзамон нишоналари

Ёзувчининг янги фалсафий романи- охирзамон нишоналарини ўқир экансиз, бу фикрнинг ҳақ эканлиги, нималар нишона эканлигининг гувоҳига айланиб борасиз.

Оддий айрилиқ

Ўзбекистан халқ шоири Анвар Обиджон назм, наср, драматургия, публицистика сингари жанрларда қалам тебратиб келаётган серқирра ижодкордир. Асарлари юморга бойлиги, айни чоғда, фалсафий фикрларнинг салмоқдорлиги билан ажралиб туради.Ушбу китобга муаллифнинг бири ўта қизиқ бири саргузаштларга бой асарлари танлаб киритилди. Булар орасида журналда босилибоқ жуда машҳур булиб кетган Мўттивой ҳақидаги қисса ҳам бор.

Ғалаба

Атоқли совет адиби Александр Чаковскийнинг ушбу «Ғалаба> романи Улуғ Ватан уруши мавзуида. Ёзувчи мавжуд жангномаларидан фарқли уларок бу асарида урушнинг мантиқий хотимасига алоҳида кенг ўрин бе ради, совет Олий Бош Қўмондонлигининг тактик ва стратегик маҳоратини марок билан тасвирлайди. Шунингдек романда Черчилль ва Трумэен бош- чилигидаги империалистик юқори доиралар риёкорлиги фактик материал- лар асосида фош этилган.

Shum bola

Rastalar obod. Qaymoq bozorining burilishida, mahkamaning boshida Ilhom samovarchining kattakon choyxonasi bo‘lib, unda grammofon chalinadi. Turli-tuman plastinkalar orqali To‘ychi hofiz, Hamroqul qori, Hoji Abdulaziz va Farg‘ona yallachi xotinlari ketma-ket maqomlar, yallalar, ashulalar aytadi. Choyxonada joy yetishmaydi.

Қорақуш юлдузининг сири

«Беш ташаббус - беш китоб» лойиҳасининг навбатдаги китоби Исажон Султон асарларидан тартиб берилди. Тўпламга «Генетик», «Боқий дарбадар» романлари, «Робия Балхий қиссаси», ҳикоялар ва бир эссе жамланди. Бу китобга киритилган асарлар улуғ аждодларимиз, бой тарихий меросимиз ва юксак маънавиятимиз - бир сўз билан айтганда - ўзлигимиз ҳақидадир.

Кеча ва кундуз

Ушбу китобда Чўлпоннинг йирик асарларидан бири бўлмиш, романи киритилган. Гарчи романнинг иккинчи қисми ёзиб тугатилмаган бўлса-да, унинг бошланиш саҳифалари ҳам сизни эътиборсиз қолдирмайди.

Меҳр қўшиғи: Гул баргига ёзилган хатлар

Ушбу китобда таниқли адабиётшунос олим, адиб Иброҳим Ғафуровнинг туркум мансуралари ва ҳикоялари жамланган. Муаллифнинг ўзига хос услубда инкишоф этган бу битиклари китобхонни ўйлашга, тафаккур қилишга ундайди. Бетакрор ташбеҳлар ва ҳиссиётлар уйғунлашувидан туғилган ушбу манзума муҳтарам ўқувчиларимизга манзур бўлишига ишонамиз.