Mazkur darslik 60111800 – Xorijiy til va adabiyoti (ingliz tili) yo‘nalishida tahsil olayotgan talabalar uchun mo‘ljallangan bo‘lib, “Ingliz tili o‘qitish metodikasi” fanidan ma’ruza va amaliy mashg‘ulotlarni samarali tashkil etishga xizmat qiladi. Darslik ingliz tili o‘qitish metodikasi, zamonaviy yondashuv va strategiyalarni, shuningdek, grammatika, leksika, talaffuz, og‘zaki nutqni rivojlantirish metodikasi kabi asosiy yo‘nalishlarni yoritadi. Mazkur darslikda shuningdek, o‘quv jarayonini rejalashtirish, darsni tashkil etish, o‘quvchilar individual xususiyatlarini hisobga olish hamda o‘qituvchining kasbiy kompetensiyasini rivojlantirish masalalari ham yoritilgan.