Darslikda geologiya va geomorfologiya fanlarining rivojlanish tarixi, tarmoqlari, Yerning ichki tuzilishi va uni tashkil etgan jinslar, relyef haqida umumiy ma’lumotlar, shuningdek, relyef hosil qilishda endogen va ekzogen jarayonlarning ahamiyati ochib berilgan. Darslikda fan mazmuniga mos zamonaviy illyustratsiyalar, jadval va turli chizmalar berilgan bo‘lib, ular talabalarning mavzularni to‘laqonli o‘zlashtirishiga xizmat qiladi. Ushbu darslik nafaqat, “Geodeziya, kartografiya va kadastr” ta’lim yo‘nalishi talabalari, balki geografiya, geologiya, gidrologiya, gidro- meteorologiya, geofizika, irrigatsiya va melioratsiya, arxitektura va qurilish, muhandislik ishi, hayotiy faoliyat xavfsizligi, atrof muhit muhofazasi va boshqa yo‘nalishlarda ta’lim olayotgan talabalar uchun ham foydadan xoli emas.