Mamlakatimizda oliy ta’lim tizimini rivojlantirish bo‘yicha keng ko‘lamli ishlar amalga oshirilmoqda. Ayniqsa ta’limning mazmun-mohiyatiga, uning sifat- samaradorligini oshirishga katta ahamiyat berilmoqda. Bu ishlarni amalga oshirishda yangi, zamon talablariga javob beradigan darsliklar, o‘quv va o‘quv- uslubiy qo‘llanmalar yaratish muhim vazifadir. «Maktabgacha musiqiy-estetik ta’lim nazariyasi va metodikasi» fani shu soha mutaxassislarini o‘qitish, tayyorlashda asosiy fanlardan biri hisoblanadi. Ushbu uslubiy qo‘llanmada mazkur «Maktabgacha musiqiy-estetik ta’lim nazariyasi va metodikasi» fani bo‘yicha barcha kerakli nazariy va amaliy materiallar berilgan. Shuningdek mazkur uslubiy qo‘llanma Maktabgacha ta’lim tashkiloti musiqa mashg‘ulotlarida qo‘llash uchun kerak bo‘lgan yangi musiqa asarlari, qo‘shiqlar bilan boyitilgan.