Таниқли тарихшунос ва ёзувчи Миркарим Осимнинг ушбу асарида ўтмиш, бугун ва келажак ўртасидаги узвий боғлиқлик, инсоният учун доимо долзарб бўлиб келган тинчлик, табиат ва жамият ўртасидаги ҳамоҳанглик, халқлар ўртасидаги дўстлик каби муҳим ғоялар ўз ифодасини топган. Муаллиф юртимиз тарихини, халқимизнинг неча авлодга оид турмуш тарзи, урф-одат ва анъаналарини чуқур билиши туфайли, асарни ўта пухта ва ҳаётий ёзган. Ярим асрлик ижодий фаолияти давомида Миркарим Осим уч давр ва уч асосий йўналишда самарали меҳнат қилган бўлиб, бундан асарни мутолаа қилган ҳар бир китобхон осонликча бохабар бўлади.