Rivoyatlar qadim-qadimdan xalq ongiga singib ketgan. Ular ma'lum bir haqiqatlar asosida qurilgan bo'ladi. Shu bois ham uni xalqimiz yaxshi qabul qilib, sevib o'qiydi. Rivoyatlarni gap-gashtaklar, yig'inlar, oila davralarida ibrat bo'lsin, deb aytiladi, ayniqsa, yoshlarga ibratli, tarbiyaviy jihatlari nihoyatda ko'p. Ushbu to'plamda ana shunday tarbiyaviy jihatlari ko'p ibratli rivoyatlarning bir qanchasi jamlangan bo'lib, bu xalqimizning boy ma'naviy merosining ajoyib va yorqin namunalari ekanligini isbotlovchi manba bo'lib xizmat qilishi tabiiy.