Ey Alloh! Sohiblik egamlik faqat senga munosibdir. Birovlar shohdurlar, lekin baribir, sening oldingda gado yanglig durlar. Egalik borasida tengsizu benazirsan, chunki sen mutlaq hokimsan. Shu tufayli dunyoning barcha zabardast kishilari sening oldingda tobe'durlar, barcha ulug'lar esa sening qarshingda xoksordurlar. Sendan in'om-ehson daryosi mavj urgani sababli butun borliqni o'z saxovating, karaming bilan munavvar qilding. Dunyo ahlining lazzati sening ana shu in'omu ehsoning tufayli bo'lib, saxovating o'zingni zuhur etishing bilan barobardur. Sening mavjudliging qadimiyligini, ko'hnaligini qachonki oshkor etsa, barcha mavjudot yo'qlikka yuz tutadi