Ўзбек китобхонлари ҳам Эдгар По, Артур Конан Дой, Агата Кристининг детектив асарларини севиб ўқишади. Миллий адабиётимизда ҳам Шуҳрат, Ўлмас Умарбеков, Тоҳир Малик каби ёзувчиларимитзнинг ўқувчилар эътиборини қозонган ажойиб детектив асарлар яратишган. Айни пайтда ҳам кўплаб ижодкорларимиз бу жанрда қалам тебратишяпти. Бу тинчлигимиз посбонлари хизматларини эътироф этиш билан бирга китобхонларни синчковликка, ҳар бир ўтган осойишта куннинг қадрига етишга ундайди. Иброҳим Мухаммад шу жанрда ижод қилаётган ёзувчиларимиздан бири. Унинг жиноятни очишдаги ўзига хос ечимлари ҳикоя ва қиссаларнинг ўқишли бўлишига хизмат қилади. Ўйлаймизки, қўлингиздаги китоб Сизга ҳам манзур бўлади.