"Улуғ Навоийнинг ҳар бири бир жаҳон маъно, бир олам ҳис-туйғу ифода этилган байтларини такрор ва такрор ўқиб ҳар сафар кўнглимиз сурур ва ҳаяжон билан тўлади, ҳар сафар бу олмос сатрларнинг янги қирраларини кашф қиламиз, янги-янги маъно товланишларини кўриб ҳайратланамиз", деб ёзган эди Ўзбекистон Қаҳрамони, халқ шоири Эркин Воҳидов. Ушбу китобдан жой олган маълумотлар ҳам Алишер Навоий ва уни ўзига устоз деб билган Муҳаммад Ризо Огаҳий асарлари муталааси бахш этган чексиз завқу шавқ ва ҳайратлар маҳсулидир.