Ҳалоллик инсон ҳаётининг муҳим мезонидир. Ҳалоллик бор жойда хайр, барака, тўкинлик, хотиржамлик ҳукм суради. Хиёнат, имонсизлик ва ишончсизлик эгаллагани ҳамоно, ҳамма ишлар ўлда-жўлда бўла бошлайди. Нопокликлар оқибатида хонадонлар хонавайрон бўлади, бундан нафақат инсоннинг ўзи ва оиласи, балки жамият ҳам катта зарар кўради. Бу тараққиёт ва фаровонлик омили эмасми? Таниқли ёзувчи Набижон Ҳошимовнинг мазкур асарида ҳам адолатнинг разолатдан, ҳалолнинг харомдан, покликнинг нопокликдан қанчалар устунлиги қаламга олинган.