Ushbu o'quv qo'llanmada farzand tarbiyasi bilan bog'liq muhim masalalarga mufassal to'xtalib o'tiladi. Farzandlar tarbiyasiga bag'ishlangan milliy va xorijiy manbalar tahlili bilan bir qatorda, ijtimoiylashuvning zamonaviy metodlari, usullari va vositalardan foydalanish, ota-onalar va tarbiya jarayonining boshqa ishtirokchilari ma'lum darajada pedagogik tasavvurga ega bo'lish usullari, tarbiyasi ogʻir bolalar bilan shug'ullanishning oʻziga xos jihatlari, noto'kis oilalarga ijtimoiy-pedagogik yordam ko'rsatishning shart-sharoitlari va strukturasini oʻz ichiga olgan metodik tavsiyalar, sanab oʻtilgan masalalar yechimiga qaratilgan ijtimoiy pedagogika fani va uning jamiyat ma'naviy-axloqiy, ijtimoiy-iqtisodiy ravnaqidagi o'rni xususidagi mulohazalarga ham mazkur qo'llanmada keng o'rin berilgan. Mazkur o'quv qo'lianmadan "Maktabgacha ta'lim psixologiyasi va pedagogikasi" bakalavriat ta'lim yo'nalishi talabalari, boshlang'ich sinf o'qituvchilari, maktabgacha ta'lim tashkilotlari tarbiyachilari, tyutorlar, shuningdek, ota-onalar va farzand tarbiyasiga oid masalalarni mustaqil o'rganuvchilar foydalanishlari mumkin.