Бизга маълумки, мамлакатимизнинг ёш шахматчилари жаҳон миқёсидаги мусобақаларда ўз махоратларини намойиш этиб, яхши натижаларни қўлга киритмоқдалар. Ана шундай муваффакиятларимизнинг бардавом бўлишини таъминлаш мақсадида шахмат ҳақидаги турли адабиётларга эҳтиёж сезилмоқда. Шахмат бўйича халкаро спорт устаси Маматкул Хайлаев мактабгача таълим муассасалари, мактаблар ва тўгаракларда шахмат ўрганувчиларга қулай бўлиши учун мазкур китобни яратди. Ушбу сабоқлардан шахмат мураббийлари, жисмоний тарбия фани ўқитувчилари ва мустақил ўрганувчилар фойдаланишлари мумкин.